वैदिक पंचांगानुसार २८ डिसेंबर रोजी शुक्राने कुंभ राशीत संक्रमण केलंय. कुंभ राशीचे स्वामी शनीदेव आहेत. ते कर्माचे फळ देण्यासाठी ओळखलं जातात. शुक्राच्या गोचरमुळे व्यक्तीच्या जीवनातील अनेक घटकात बदल होईल. चला तर कुंभ राशीत शुक्राचं गोचर संक्रमण कोणत्या राशींसाठी लाभदायी ठरेल ते जाणून घेऊ.

शुक्राच्या गोचरने 'या' तीन राशींना होणार मोठा धनलाभ

वृषभ

राशीच्या लोकांसाठी शुक्राचं गोचर आर्थिक भरभराट करून देणारं ठरेल. नव्या वर्षात नोकरी करणाऱ्या लोकांना नवी नोकरी मिळण्याची संधी असेल. व्यापारात वृद्धी झाल्याने आर्थिक लाभ होईल. सर्वात मोठी बाब म्हणजे ज्या लोकांच्या जीवनात प्रेम नाही, अशा अविवाहित लोकांच्या जीवनात प्रेमाची एन्ट्री होईल. तर विवाहित जोडप्यांचं प्रेम वाढेल.

तुळ राशी

धनाचा दाता असलेला शुक्र ग्रह हा तूळ राशीचा स्वामी मानला जातो. शुक्र संक्रमणाचा शुभ परिणाम तुळ राशीच्या लोकांवर राहील. जुन्या गुंतवणुकीतून भरपूर लाभ होईल. विद्यार्थ्यांची सर्जनशील कार्याची आवड वाढेल. यामुळे अनेकांना मानसिक शांतता लाभेल. तर ज्या जातकांना लग्न जमण्यात अडचणी येत असतील त्या अडचणी दूर होतील आणि नवी वर्षात त्यांना त्यांचा जीवन साथीदार मिळेल.

मीन राशी

वृषभ आणि तुळ राशीच्या लोकांसह मीन राशीच्या जातकांसाठीही शुक्राचं गोचर फायद्याचं ठरणार आहे. कला, आरोग्य, डिझाईन आणि तांत्रिक क्षेत्रात काम करणाऱ्या लोकांना लवकरच प्रमोशनची चांगली बातमी मिळू शकते. व्यापारी, दुकानदार, व्यावसायिक यांची आर्थिक स्थिती सुधारेल. येत्या काही दिवसांत वृद्धांचे आरोग्य चांगले राहील.