यवतमाळ - शेतातील झाडावरील फांद्या तोडण्यासाठी जात असलेल्या शेतकऱ्यांचा विजेच्या जिवंत विद्युत तारेला स्पर्श झाल्याने देवानंद राऊत शेतकऱ्याचा मृत्यू झाल्याची यवतमाळ जिल्ह्यातील घटनासमोर आली आहे . ही घटना महागाव तालुक्यातील कलगावं शिवारात घडली आहे. तर  अजगर खा पठाण हा मजुर गंभीर जखमी झाला आहे. Death of a farmer by touch of a live electric wire; One seriously injured

देवानंद राऊत यांचे महागाव येथे तिरुपती एजन्सीचे दुकान आहे.  तो सध्या महागाव येथे स्थायिक आहे. आईच्या नावे दीड आणि मृतकाच्या नावे दीड असे तिन एकर सामायिक क्षेत्र आहे. 

ही देखील पहा -

पेरणीची तयारी करत असल्याने शेतात ये - जा करण्यासाठी बाभळीचे झाड अडसर ठरत असल्याने त्याच्या फांद्या तोडण्यासाठी  राऊत या शेतकऱ्याने दोन मजूर नेले होते. शेतात जात असतांना पाण्याचा डबकं साचल्याने पाण्यातून मार्ग काढत होते. तेव्हा जिवंत विद्युत तार पाण्यात पडलेला होता. 

ड्रोनद्वारे जैविक हर्बल फवारणी प्रक्रियेचा प्रयोग यशस्वी

पाण्यातून मार्ग काढण्याचा प्रयत्नात असतांना जिवंत विद्युत तारेला स्पर्श झाल्याने जागीच प्राण गमावला आहे.  सहकारी मजुरांनी वाचविण्याचा प्रयत्न केला. मात्र, तो अयशस्वी झाला. त्यात एक मजूर गंभीर जखमी झाल्याने त्याला सवना येथील ग्रामीण रुग्णालयात उपचारासाठी हलविण्यात आले आहे. मृतक देवानंद राऊत यांच्या पाश्चात्य पत्नी, आई, वडील आणि दोन मुले आहेत.
 

Edited By - Puja Bonkile