बँकेत नोकरी करण्याची इच्छा असणाऱ्या तरुणांसाठी सुवर्णसंधी आहे. स्टेट बँक ऑफ इंडियामध्ये मेगाभरती जाहीर करण्यात आली आहे. याबाबत बँकेकडून जाहिरात प्रसिद्ध करण्यात आली आहे. भारतीय स्टेट बँकेत ऑफिसर (Sportsperson),क्लेरिकल (Sportsperson) या पदांसाठी ही भरती होणार आहे.

ऑफिसर पदासाठी एकूण १७ जागा रिक्त आहेत. तर क्लेरिकल पदांसाठी ५१ जागा रिक्त आहे. या नोकरीसाठी अर्ज करण्याची १४ ऑगस्ट ही शेवटची तारीख आहे. या नोकरीसाठी २० ते ३० वयोगटातील उमेदवार अर्ज करु शकतात. त्यामुळे इच्छुक उमेदवारांनी लवकरात लवकर अर्ज करावेत.

या नोकरीसाठी पदवी प्राप्त उमेदवार अर्ज करु शकतात. अधिकारी पदासाठी उमेदवाराने आंतरराष्ट्रीय स्पर्धेत प्रतिनिधित्व केलेले असणे गरजेचे आहे. sbi.co.in या वेबसाइटवर जाऊन तुम्ही अर्ज करु शकतात. क्लेरिकल पदासाठी कोणत्याही शाखेतील पदवी प्राप्त असणे आवश्यक आहे. ५१ जागांसाठी ही भरती होणार आहे. या नोकरीसाठी निवड झालेल्या उमेदवारांना बास्केटबॉल, क्रिकेट, फुटबॉल, हॉकी, वॉलीबॉल, कबड्डी, टेबल टेनिस, बॅडमिंटन या स्पोर्टस बोर्डामध्ये काम करण्याची संधी मिळेल.

भारतीय स्टेट बँकेतील या नोकरीसाठी अर्जप्रक्रिया सुरु झाली आहे. तुम्ही ऑनलाइन पद्धतीने अर्ज करु शकतात.sbi.co.in या वेबसाइटवर याबाबत सर्व माहिती देण्यात आली आहे. त्यामुळे इच्छुक उमेदवारांनी लवकरात लवकर अर्ज करावेत.