सरकारी बँकेमध्ये नोकरी करण्याची इच्छा असणाऱ्या तरुणांसाठी महत्त्वाची बातमी आहे. स्टेट बँक ऑफ इंडियामध्ये विविध पदांसाठी भरती जाहीर करण्यात आली आहे. या भरतीची जाहिरात स्टेट बँक ऑफ इंडियाच्या सेंट्रल रिक्रूटमेंट अँड प्रमोशन डिपार्टमेंट कॉर्पोरेटद्वारे प्रकाशित करण्यात आली आहे. (State Bank Of India Recruitment)

स्टेट बँक ऑफ इंडियामध्ये लिपिक आणि अधिकारी पदांसाठी भरती केली जाणार आहे. या नोकरीसाठी निवड झालेल्या उमेदवारांना ३०,००० रुपये मासिक वेतन दिले जाणार आहे. हे वेतन पदानुसार वेगवेगळे असणार आहे. या नोकरीसाठी शैक्षणिक पात्रता वेगवेगळी असणार आहे.

स्टेट बँक ऑफ इंडियामध्ये ऑनलाइन पद्धतीने अर्ज मागवण्यात आले आहेत.२० ते ३० वयोगटातील उमेदवार नोकरीसाठी अर्ज करु शकतात. या नोकरीमध्ये अधिकारी पदासाठी अर्ज करणाऱ्या उमेदवाराने ३ वर्षात आंतरराष्ट्रीय खेळांमध्ये देशाचे नेतृत्व केलेले असावे. तर लिपिक पदासाठी राज्याचे किंवा राज्यस्तरीय स्पर्धेत जिल्ह्याचे प्रतिनिधित्व केलेले असावे. (SBI Job)

या नोकरीसाठी एकूण ६८ पदे भरती केली जाणार आहे. संपूर्ण भारतात ही भरती केली जाणार आहे. १४ ऑगस्ट २०२४ ही अर्ज करण्याची शेवटची तारीख आहे. याचसोबत आयबीपीएसद्वारे विविध बँकामध्ये भरती करण्यात येणार आहे. यामध्ये लिपिक पदासाठी अर्ज करण्याची शेवटची तारीख २१ ऑगस्ट आहे.