स्टेट बँक ऑफ इंडिया ही देशातील सर्वात मोठी सरकारी बँक आहे. स्टेट बँकेत नोकरी करण्याची अनेकांचे स्वप्न असते. आता हे स्वप्न सत्यात उतरवण्याची वेळ आली आहे. स्टेट बँक ऑफ इंडियाने पीओ म्हणजेच प्रोबेशनरी ऑफिसर पदांसाठी भरती जाहीर करेली आहे. याबाबत स्टेट बँकेने अधिसूचना जारी केली आहे. तुम्ही अधिकृत वेबसाइटवर जाऊन अधिसूचना पाहू शकतात. (SBI PO Recruitment 2025 Notification)

स्टेट बँकेच्या अधिकृत वेबसाइटवर जाऊन तुम्ही अर्ज करु शकतात. तुम्ही sbi.co.in या वेबसाइटवर जाऊन सर्वात आधी अधिसूचना वाचा आणि त्यानंतर डायरेक्ट लिंकवर जाऊन फॉर्म भरा. या नोकरीसाठी अर्ज करण्याची शेवटची तारीख १४ जुलै आहे.

पात्रता (SBI PO Eligibility)

स्टेट बँक ऑफ इंडियामधील प्रोबेशनरी ऑफिसर पदासाठी लाखो उमेदवार तयारी करत असतात. या नोकरीसाठी अर्ज करणाऱ्या उमेदवाराने कोणत्याही मान्यताप्राप्त विद्यापीठातून किंवा संस्थेतून ग्रॅज्युएशन पूर्ण केलेले असावे. या नोकरीसाठी १८ ते ३० वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे.

अर्ज कसा करावा (SBI PO Application Process)

सर्वात आधी तुम्ही ibpsonline.ibps.in/sbipomay25/ या वेबसाइटवर जावे लागेल.

त्यानंतर Click here for New Registration वर क्लिक करा. त्यानंतर माहिती भरा.

यानंतर अर्ज पूर्ण भरा. सही आणि फोटोग्राफ अपलोड करा.

यानंतर निर्धारित शुल्क भरा. त्यानंतर प्रिंट आउट काढून तुमच्याजवळ ठेवा.

प्रिंट आउट काढण्याची शेवटची तारीख २९ जुलै २०२५ निर्धारित केली आहे.

SBI PO सिलेक्शन प्रोसेस (SBI PO Selection Process)

स्टेट बँकेच्या प्रोबेशनरी ऑफिसर पदासाठी उमेदवारांची निवड परीक्षेद्वारे केली जाणार आहे. प्रिलियम्स आणि मेन्स परीक्षा होणार आहे. त्यानंतर उमेदवारांना मुलाखतीसाठी बोलावले जाणार आहे. यामध्ये निवड झाल्यावर त्यांची निवड केली जाणार आहे. स्टेट बँकेत प्रोबेशनरी ऑफिसर झाल्यावर तुम्हाला भरघोस पगार मिळतो.