रिझर्व्ह बँक ऑफ इंडियामध्ये नोकरी करण्याचे स्वप्न पाहणाऱ्या तरुणांसाठी नोकरीची सुवर्णसंधी आहे. रिझर्व्ह बँक ऑफ इंडियामध्ये ग्रेड बी उमेदवारांसाठी भरती जाहीर करण्यात आली आहे.दरवर्षी परिक्षेच्या आधारे ही भरती केली जाते. यावर्षी होणाऱ्या परिक्षेबाबत आरबीआयने अधिसूचना जाहीर केली आहे. बँकेने जाहीर केलेल्या अधिसूचनेनुसार, या वर्षी एकूण ९४ पदांसाठी ही भरती करण्यात येणार आहे.

या नोकरीसाठी भरतीची जाहिरात २४ जुलै रोजी अधिकृत वेबसाइटवर देण्यात येईल. या वर्षी परीक्षेला बसणाऱ्या विद्यार्थ्यांनी opportunities.rbi.org.in या वेबसाइटला भेट देऊन अर्ज करु शकतात. उमेदवार ऑनलाइन पद्धतीने अर्ज करु शकतात. सामान्य प्रवर्गातील उमेदवारांना नोकरीसाठी ८५० रुपये शुल्क भरावे लागणार आहे तर SC/ST/PWD प्रवर्गातील उमेदवारांना १०० रुपये अर्ज शुल्क भरावे लागणार आहे.

रिझर्व्ह बँक ऑफ इंडिया ग्रेड बी अधिकारी पदासाठी उमेदवारांनी किमान ६० टक्के गुणांसह पदवी प्राप्त केलेली असावी. तर ग्रेड बी ऑफिसर (DEPR)पदासाठी अर्थशास्त्र किंवा त्यासंबंधित विषयात ५५ टक्के गुणांसह पीजी उत्तीर्ण असणे आवश्यक आहे. ग्रेड बी (DSIM) साठी ५५ टक्के गुणांसह पदव्युतर शिक्षण घेतलेले असावे. या नोकरसाठी वयोमर्यादा २१ ते ३० वर्ष आहे.