सरकारी नोकरी करण्याची अनेकांना इच्छा असते. तुम्हालाही सरकारी नोकरी करायची असेल तर ही माहिती खास तुमच्यासाठी.रेल्वे रिक्रूटमेंट सेल, दक्षिण मध्य रेल्वेत भरती जाहीर केली आहे. दक्षिण मध्य रेल्वेत स्पोर्ट्स कोटाअंतर्गत ही भरती करण्यात येणार आहे. या नोकरीबाबत अधिसूचनादेखील जाहीर केली आहे.

रेल्वे भरती बोर्डाने जाहीर केलेल्या अधिसूनचनेनुसार, दक्षिण मध्य रेल्वेतील या भरतीसाठी अर्जप्रक्रिया सुरु झाली आहे. या नोकरीसाठी अर्ज करण्याची शेवटची तारीख ३ फेब्रुवारी २०२५ आहे. (Railway Recruitment 2025)

रेल्वेतील या नोकरीसाठी तुम्ही ऑनलाइन पद्धतीने अर्ज करु शकतात. तुम्ही यासाठी scr.indianrailways.gov.in या वेबसाइटवर क्लिक करुन थेट लिंकवर जाऊन अर्ज करु शकतात.(Railway Jobs)

रेल्वेतील या नोकरीसाठी १०वी/ १२वी पास तरुण अर्ज करु शकतात. या नोकरीसाठी अर्ज करणाऱ्या उमेदवाराने संबंधित स्पोर्ट्समध्ये पात्रता पूर्ण केलेली असावी. १८ ते २५ वयोगटातील उमेदवार अर्ज करु शकतात. या नोकरीसाठी अर्ज करणाऱ्या राखीव प्रवर्गातील उमेदवारांना वयोमर्यादेत सूट देण्यात आली आहे.

अर्ज कसा करावा?

या नोकरीसाठी अर्ज करण्यासाठी उमेदवारांनी scr.indianrailways.gov.in या वेबसाइटला भेट द्या.

त्यानंतर होमपेजवर भरतीसंबंधित लिंकवर क्लिक करा.

यानंतर न्यू रजिस्ट्रेशनवर क्लिक करा. त्यानंतर रजिस्टर्ड यूजर लॉग इनवर क्लिक करा.

इतर माहिती भरुन अर्जप्रक्रिया पूर्ण करा. त्यानंतर अर्ज शुल्क जमा करुन फॉर्म सबमिट करा.

या अर्जाची प्रिंट आउट तुम्ही तुमच्याजवळ ठेवा. या नोकरीसाठी अर्ज करताना सामान्य प्रवर्गातील उमेदवारांना ५०० रुपये अर्ज शुल्क भरायचे आहे.

तर राखीव प्रवर्गातील उमेदवारांना २५० रुपये भरुन अर्ज करु शकतात. या नोकरीसाठी उमेदवारांची निवड कागदपत्रे पडताळणी केल्यानंतर होणार आहे.

त्यानंतर तुम्हाला स्पोर्ट्स ट्रायलमध्ये सहभागी व्हावे लागणार आहे.

यात पास झालेल्या उमेदवारांची निवड केली जाणार आहे.