पुणेकरांसाठी आनंदाची बातमी आहे. पुणे महानगरपालिकेत मुख्यमंत्री युवा कार्य प्रशिक्षण योजनेअंतर्गत भरती जाहीर केली आहे. पुणे महानगरपालिकेत ६८१ जागांसाठी ही भरती करण्यात येणार आहे. या नोकरीसाठी इच्छुक उमेदवारांनी ऑनलाइन पद्धतीने अर्ज करावेत.

पुणे महानगरपालिकेत नोकरीसाठी अर्ज करण्याची प्रक्रिया २ सप्टेंबर २०२४ पासून सुरु झाली आहे. या नोकरीसाठी अर्ज करण्याची शेवटची तारीख ३० सप्टेंबर २०२४ आहे. युवा प्रशिक्षण पदांसाठी ही भरती जाहीर करण्यात आली आहे.

या नोकरीसाठी मान्यताप्राप्त बोर्डातून किंवा विद्यापीठातून १२वी पास/इंजिनियिरिंग डिप्लोमा/ डिग्री (B.Tech)प्राप्त उमेदवार अर्ज करु शकतात.या नोकरीसाठी तुम्ही ऑफलाइन पद्धतीनेदेखील अर्ज पाठवू शकतात. पुणे महानगरपालिका समाज विकास विभाग, तळ मजला, शिवाजीनगर, पुणे येथे अर्ज पाठवायचा आहे.

१८ ते ३५ वयोगटातील उमेदवार या नोकरीसाठी अर्ज करु शकतात. १२वी पास उमेदवारांना ६०० रुपये वेतन मिळणार आहे तर डिप्लोमा/ ITI उमेदवाराला ८००० रुपये वेतन मिळणार आहे. तसेच पदवीधर आणि पदव्युतर उमेदवारांना १०,००० रुपये वेतन मिळणार आहे.

याचसोबत ठाणे महानगरपालिकेतदेखील विविध रिक्त पदे आहेत. ठाणे महानगरपालिकेत वैद्यकीय विभागात भरती जाहीर करण्यात आली आहे. अधिकारी ते परिचारिका अशा अनेक पदांसाठी ही भरती करण्यात येणार आहे.