महाराष्ट्रात लातूर राष्ट्रीय आरोग्य अभियानाअंतर्गत भरती सुरु आहे. जवळपास ६१ रिक्त जागांसाठी ही भरती सुरु आहे. यामध्ये वेगवेगळ्या पदांसाठी उमेदवार अर्ज करु शकतात. महिला आणि पुरुष दोघांसाठीही वेगेवेगळ्या पोस्ट रिक्त आहे.

लातूर राष्ट्रीय आरोग्य अभियानाअंतर्गत नर्स आणि एम पी डब्ल्यू पदासाठी अर्ज मागवले आहेत. महिला नर्स या पदासाठी अर्ज करु शकतात. तर एम पी डब्ल्यू पदासाठी पुरुष अर्ज करु शकणार आहेत. यासाठी नोकरीचे ठिकाण लातूर आरोग्य विभाग आहे.

या पदांसाठी अर्ज करणाऱ्या उमेदवाराचे वय १८ ते ३८ वर्ष असणे आवश्यक आहे. ५ जुलैच्या आधी ऑफलाइन पद्धतीने तुम्हाला अर्ज पाठवायचे आहे. राष्ट्रीय आरोग्य विभाग, जिल्हा परिषद, लातूर येथे तुम्हाला अर्ज पाठवायचे आहेत. नर्स पदासाठी अर्ज करताना उमेदवाराचे जीएनएम किंवा बीएससी नर्सिंग शिक्षण पूर्ण झालेले असावे. महाराष्ट्र नर्सिंग काउन्सिंग नोंदणी प्रमाणपत्र असलेल्या उमेदवारानेच अर्ज करावा. तर एम पी डब्ल्यू पदासाठी अर्जदाराने विज्ञान शाखेतून १२वीचे शिक्षण घेतलेले असावे.

नर्स पादासाठी तुम्हाला १८ हजार रुपये मासिक वेतन मिळणार आहे तर एम पी डब्ल्यू पदासाठी २० हजार रुपये मासिक पगार दिला जाणार आहे. या नोकरीसंदर्भात अधिक माहिती https://latur.gov.in/en/ या वेबसाइटवर देण्यात आली आहे.