१० वी पास तरुणांसाठी एक आनंदाची बातमी आहे. फक्त १० वी पास असलेल्या तरुणांना भरघोस पगारासह बँकेत नोकरी मिळणार आहे. राष्ट्रीय कृषी आणि ग्रामीण विकास बँक (NABARD) मध्ये एकूण १०८ पदांसाठी भरती निघाली आहे. आता या बातमीमधून याच भरतीबाबत सविस्तर माहिती आज जाणून घेणार आहोत.

पदाचं नाव आणि पद संख्या

नॅश्नल बँक फॉर अॅग्रिकल्चर अँड रुरल डेव्हलपमेंटमध्ये ऑफिस अटेंडंट ग्रूप सी या पदासाठी भरती निघाली आहे. यामध्ये एकूण १०८ पदे रिक्त आहेत. या रिक्त पदांची जागा लवकरात लवकर भरण्याचे प्रयत्न सुरू आहेत. विशेष म्हणजे या भरतीसाठी शैक्षणिक अट फक्त १० वी पास आहे. म्हणजे साल २०२४ मध्ये तुम्ही १० वी पास केली असेल तरी देखील या पदासाठी अर्ज करू शकता आणि नोकरी मिळवू शकता.

वयाची अट काय

बँकेत नोकरी करण्याची ही संधी मिळवण्यासाठी तुम्हाला वयाची १८ वर्षे पूर्ण झालेली असावीत. तसेच तुमचं वय ३० वर्षांहून जास्त नसावं. असं असेल तरच तुम्ही या योजनेसाठी अप्लाय करू शकता.

राष्ट्रीय कृषी आणि ग्रामीण विकास बँकनेने त्यांच्या अधिकृत ट्वीटर अकाउंटवर या बद्दल माहिती दिली आहे. त्यांनी ट्वीट करत भरतीची माहिती दिली आहे. या योजनेसाठी अर्ज करण्याकरीता अर्ज भरण्याची सुरुवातीची तारीख आणि शेवटची तारीख काय आहे त्याची माहिती जाणून घेऊ.

अर्ज करण्याची शेवटची तारीख काय?

राष्ट्रीय कृषी आणि ग्रामीण विकास बँक भरतीमध्ये सहभागी होण्यासाठी २ ऑक्टोबर २०२४ पासून अर्ज स्विकारण्यास सुरूवात झाली आहे. तर २१ ऑक्टोबर २०२४ पर्यंत तुम्ही या भरतीसाठी अप्लाय करू शकता.