अनेकांची इस्रोमध्ये नोकरी करण्याची इच्छा असते. इसरोमधील काम कसं सुरु असतं हे जाणून घेण्याची इच्छा असते. जर तुम्हालाही इस्रोमध्ये नोकरी करायची असेल तर ही माहिती खास तुमच्यासाठी. इसरोमध्ये सध्या विविध पदांसाठी भरती सुरु आहे. याबाबत अधिसूचना जाहीर करण्यात आली आहे.

इस्रोमध्ये मेडिकल ऑफिसर, शास्त्रज्ञ, इंजिनियरसह अनेक पदांसाठी भरती सुरु आहे. या नोकरीसाठी अर्जप्रक्रिया १९ सप्टेंबरपासून सुरु होणार आहे.या नोकरीसाठी तुम्ही www.isro.gov.in या वेबसाइटवर जाऊन अर्ज करु शकतात. या नोकरीसाठी अर्ज करण्याची शेवटची तारीख ९ ऑक्टोबर २०२४ आहे.

इस्रोची ही भरती ह्यूमन स्पेस फ्लाइट सेंटरसाठी केली जात आहे. ज्यांना इस्रोमध्ये कामाचा अनुभव घ्यायचा असेल त्यांनी नक्की अर्ज करावा. मेडिकल ऑफिसर SD,मेडिकल ऑफिसर SC, शास्त्रज्ञ, टेक्निकल असिस्टंट, सायंटिफिक असिस्टंट, टेक्निशिन बी, ड्राक्ट्समॅन बी, असिस्टंट या पदासाठी भरती सुरु आहे. १०३ पदांसाठी ही भरती जाहीर करण्यात आली आहे.

इस्रोच्या या भरतीसाठी उमेदवाराने मान्यताप्राप्त बोर्डातून १०वी पास/ITI/डिप्लोमा/एम.ई/ एम टेक/ एमबीबीएस/एमडी पदवी प्राप्त केलेली असावी. या नोकरीसाठी वयोमर्यादा पदानुसार निश्चित करण्यात आली आहे. २८ ते ३५ वयोगटातील उमेदवार या नोकरीसाठी अर्ज करु शकतात.

सध्या पश्चिम रेल्वेतदेखील भरती सुरु आहे. स्काउट्स आणि गाइड्स पदासाठी भरती सुरु आहे. रेल्वेत नोकरी करण्याची इच्छा असणाऱ्या तरुणांसाठी ही उत्तम संधी आहे. याचसोबत स्टेट बँक ऑफ इंडियामध्ये कॅडर ऑफिसर पदासाठी भरती सुरु आहे. या नोकरीसाठी तुम्हाला भरघोस पगार मिळणार आहे.