इंडियन ऑइल कॉर्पोरेशन लिमिटेडमध्ये नोकरीची सुवर्णसंधी आहे. इंडियन ऑइलमध्ये अप्रेटिंस पदासाठी भरती सुरु आहे. या नोकरीसाठी अर्जप्रक्रिया सुरु झाली आहे. २ ऑगस्टपासून या नोकरीसाठी अर्ज करण्यास सुरुवात झाली आहे. १९ ऑगस्ट २०२४ ही अर्ज करण्याची शेवटची तारीख आहे.

इंडियन ऑइल कॉर्पोरेशन लिमिटेडमध्ये भरतीसाठी ४०० पदे रिक्त आहेत. यामध्ये अप्रेंटिस, टेक्नीशियन अप्रेंटिस, ग्रॅज्युएट अप्रेंटिस पदासाठी भरती करण्यात येणार आहे. या नोकरीसाठी तुम्ही ऑनलाइन पद्धतीने अर्ज करु शकतात. इंडियन ऑइल कॉर्पोरेशन लिमिटेडच्या अधिकृत वेबसाइट iocl.com वर अर्ज करु शकतात.

या नोकरीसाठी पदानुसार शैक्षणिक पात्रता निश्चित करण्यात आली आहे. ट्रेड अप्रेंटिस पदासाठी उमेदवाराने मान्यताप्राप्त विद्यापीठातून १० वी पास असणे गरजेचे आहे. त्याचसोबत आयटीआय डिप्लोमा केलेला असणे गरजेचे आहे. टेक्नीशियन अप्रेंटिस पदासाठी उमेदवाराने ३ वर्षांचे डिप्लोमा संबंधित इंजिनियरिंगमध्ये रेलेला असावा. तर ग्रॅज्युएट अप्रेंटिस पदासाठी उमेदवाराने ५० टक्के गुणांसह ग्रॅज्युएशन पूर्ण केलेले असावे.

या नोकरीसाठी १८ ते २४ वयोगटातील उमेदवार अर्ज करु शकतात.राखीव प्रवर्गातील उमेदवारांना वयोमर्यादेत सूट देण्यात आली आहे.

या नोकरीसाठी उमेदवारांनी निवड परीक्षेद्वारे केली जाणार आहे. यासाठी तुम्हाला ऑनलाइन टेस्ट द्यावी लागणार आहे. या परीक्षेत पास झाल्यानंतर कागदपत्रे पडताळणी केली जाणार आहे. यानंतर तुमची प्री इंगेजमेंट मेडिकल फिटनेस टेस्ट होणार आहे. यानंतर उमेदवाराची निवड केली जाणार आहे. या नोकरीबाबत संपूर्ण माहिती अधिकृत वेबसाइटवर देण्यात आली आहे.