शिक्षण पूर्ण झालं असेल अन् नोकरीच्या शोधात असाल तर ही बातमी खास तुमच्यासाठी. इंडियन ऑइलमध्ये नोकरी करण्याची सुवर्णसंधी तुमच्याकडे आहे. इंडियन ऑइल ही सरकारी कंपनी आहे. सरकारी कंपनीत काम करण्याची संधी तुम्हाला तुम्हाला मिळणार आहे. यामध्ये तुम्हाला अनेक गोष्टी शिकता येणार आहे. इंडियन ऑइलमध्ये अप्रेंटिस पदासाठी भरती जाहीर केली आहे. पाइपलाइन डिवीजनमध्ये ही भरती केली जाणार आहे.

इंडियन ऑइलमध्ये नोकरीची संधी

इंडियन ऑइलमध्ये अप्रेंटिसशिप करण्याची संधी आहे. या नोकरीसाठी तुम्हाला स्टायपेंडदेखील मिळणार आहे. इंडियन ऑइलमधील या नोकरीसाठी अधिसूचना जारी केली आहे. iocl.com या वेबसाइटवर जाऊन तुम्ही सर्व माहिती मिळवू शकतात. या नोकरीसाठी अर्जप्रक्रिया उद्यापासून म्हणजे २८ जानेवारीपासून सुरु होणार आहे. अर्ज करण्याची शेवटची तारीख १० फेब्रुवारी २०२६ असणार आहे.

इंडियन ऑइल कॉर्पोरेशन लिमिटेडमध्ये एकूण ३९४ पदांसाठी भरती करणार आहे. यासाठी तुम्हाला iocl.com या वेबसाइटवर जाऊन अर्ज करु शकतात. आसाम, बिहार, झारखंड, उत्तर प्रदेश, पश्चिम बंगाल, गुजरात, महाराष्ट्र, दिल्ली, हिमाचल प्रदेश अशा विविध राज्यात भरती केली जाणार आहे. या नोकरीसाठी १८ ते २४ वयोगटातील उमेदवार अर्ज करु शकतात.

शैक्षणिक पात्रता

इंडियन ऑइलमधील ट्रेक्निशियन अप्रेंटिस ट्रेड पदासाठी अर्ज करणाऱ्या उमेदवाराने मेकॅनिकल इंजिनियरिंग ऑटोमोबाइल इंजीनियरिंग/इलेक्ट्रिकल इंजीनियरिंग/इलेक्ट्रिकल एंड इलेट्रॉनिक्स इंजीनियरिंगमध्ये तीन वर्षांचा कोर्स केलेला असावा. ट्रेड अप्रेंटिस पदासाठी बॅचलर डिग्री प्राप्त केलेली असावी. डेटा एंट्री ऑपरेटर पदासाठी १२वी पास उमेदवारदेखील अर्ज करु शकतात.