तरुणांसाठी बँकेत नोकरीची सुवर्णसंधी आहे. आयडीबीआय बँकेत असिस्टंट जनरल मॅनेजर पदांसाठी भरती जाहीर करण्यात आली आहे. बँकेत अधिकारी पदावर काम करण्याची ही सुवर्णसंधी आहे. आयडीबीआय बँकेतील या नोकरीसाठी तुम्ही ऑनलाइन पद्धतीने अर्ज करु शकतात.

या नोकरीसाठी तुम्हाला कोणत्याही प्रकारची परीक्षा द्यावी लागणार नाही. या नोकरीसाठी अर्ज करणाऱ्या उमेदवाराची कमाल वयोमर्यादा ४० वर्ष असावी. या नोकरीबाबत सर्व माहिती idbibank.in वर देण्यात आली आहे. या नोकरीसाठी अर्ज करण्याची शेवटची तारीख १५ सप्टेंबर २०२४ आहे.

आयडीबीआय बँकेत स्पेशलिस्ट ऑफिसर या पदाच्या भरतीसाठी अधिसूचना जाहीर करण्यात आली आहे. असिस्टंट जनरल मॅनेजर ग्रेड सी पदासांठी २५ जागा रिक्त आहेत. मॅनेजर ग्रेड बी ऑफिसर पदासाठी ३१ पदे रिक्त आहे. एकूण ५६ पदांसाठी भरती करण्यात येणार आहे.

असिस्टंट मॅनेजर ग्रेड सी या पदासाठी ग्रॅज्युएट, एमबीए पदवी प्राप्त उमेदवार अर्ज करु शकतात. या नोकरीसाठी अर्ज करणाऱ्या उमेदवाराला कमीत कमी ७ वर्षांचा कामाचा अनुभव असावा.२८ ते ४० वयोगटातील उमेदवार या नोकरीसाठी अर्ज करु शकतात. मॅनेजर ग्रेड बी पदासाठी २५ ते ३५ वयोगटातील उमेदवार अर्ज करु शकतात. नोकरीसाठी अर्ज करणाऱ्या उमेदवाराने ग्रॅज्युएशन पूर्ण केलेले असावे.

असिस्टंट जनरल मॅनेजर ग्रेड सी पदासाठी निवड झालेल्या उमेदवारांना १,०५,२८० रुपये पगार मिळणार आहे. मेट्रो शहरांसाठी निवड झालेल्या उमेदवारांना १,५७,००० रुपये पगार मिळणार आहे. तर ग्रेड बी मॅनेजर पदासाठी १,१९,००० रुपये पगार मिळणार आहे.