जर तुमचे शिक्षण पूर्ण झाले असेल आणि तुम्ही नोकरीच्या शोधात असाल तर ही माहिती खास तुमच्यासाठी. हिंदुस्तान एरोनॉटिक्समध्ये भरती सुरु आहे. डिप्लोमा टेक्निशियन आणि टेक्निशियन असिस्टंट पदासाठी नोकरीची संधी आहे. या नोकरीसाठी अर्ज प्रक्रिया सुरु झाली आहे.

हिंदुस्तान एरोनॉटिक्ससारख्या मोठ्या कंपनीत काम करण्याची अनेकांची इच्छा असते. त्याच उमेदवारांसाठी ही सुवर्णसंधी आहे. या नोकरीसाठी तुम्ही १८ जुलै २०२४ पर्यंत अर्ज करु शकतात. कंपनीच्या अधिकृत वेबसाइटवर जाऊन तुम्ही अर्ज करु शकतात. या नोकरीबाबत सर्व माहिती अधिकृत वेबसाइटवर देण्यात आली आहे.

एचएएल भरतीमध्ये २८ पदांसाठी नियुक्ती केली जाणार आहे. या पदासाठी अर्ज करणाऱ्या उमेदवाराने मान्यताप्राप्त विद्यापीठातून अभियांत्रिकी पदवी प्राप्त केलेली असणे आवश्यक आहे.तसेच आयटीआय प्रमाणपत्र असलेले उमेदवार ऑपरेटर पदासाठी अर्ज करु शकतात. अर्ज करणाऱ्या उमेदवाराचे वय कमाल २८ असवे.

डिप्लोमा टेक्निशियन आणि टेक्निशियन असिस्टंट पदासाठी ४६,५११ रुपये पगार दिला जाणार आहे.या नोकरीसाठी उमेदवारांची निवड लेखी परीक्षेद्वारे करण्यात येणार आहे. त्यानंतर त्यांची कागदपत्रे चेक केली जाणार आहे. या परीक्षेत उमेदवारांना निगेचटिव्ह गुणदेखील देण्यात येणार आहे.