सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. स्टील ऑथोरिटी ऑफ इंडियामध्ये नोकरी करण्याची सुवर्णसंधी तुमच्याकडे आहे. सेलमध्ये मेडिकल कंसल्टंट पदासाठी भरती सुरु आहे. या नोकरीसाठी इच्छुक उमेदवार अर्ज करु शकतात.

सेलमधील या नोकरीसाठी sai.co.in या वेबसाइटवर जाऊन अर्ज करु शकतात.या नोकरीसाठी अर्ज करण्याची शेवटची तारीख ७ जानेवारी २०२५ आहे. (SAIL Recruitment)

सेलमध्ये १४ रिक्त पदांसाठी भरती जाहीर करण्यात आली आहे. या नोकरीसाठी इच्छुक उमेदवारांनी लवकरात लवकर अर्ज करावेत. यामध्ये जनरल मेडिसिन, रिडिओ डायग्नोसिस, स्त्री रोग, जनरल ड्युटी मेडिकल ऑफिसर या पदांसाठी ही भरती केली जाणार आहे.

सेलमधील नोकरीसाठी अर्ज करणाऱ्या उमेदवाराने संबंधित मेडिकल क्षेत्रात पोस्ट ग्रॅज्युएशन केलेला असावा. याचसोबत पोस्ट ग्रॅज्युएशन डिग्री केलेले उमेदवारदेखील या नोकरीसाठी अर्ज करु शकतात. या नोकरीसाठी निवड झालेल्या उमेदवारांना १,२०,००० ते १,८०,००० रुपये वेतन मिळणार आहे. जनरल ड्युटी मेडिकल ऑफिसर पदासाठी अर्ज करणाऱ्या उमेदवाराने एमबीबीएस पदवी प्राप्त केलेली असावी. (Government Job)

या नोकरीसाठी अर्ज करणाऱ्या उमेदवाराची कमाल वयोमर्यादा ६९ वर्षे असावी.या नोकरीसाठी उमेदवारांची निवड मुलाखतीद्वारे केली जाणार आहे. सर्वप्रथम कागदपत्रे पडताळणी केली जाईल. त्यानंतर इंटरव्ह्यू घेतला जाईल. यानंतर मेरिट लिस्ट बनवून उमेदवारांची निवड केली जाईल.

नीती आयोगात भरती

सध्या निती आयोगातदेखील नोकरी करण्याची सुवर्णसंधी तुमच्याकडे आहे. निती आयोगात स्टाफ कार ड्रायव्हर ते प्रोटोकॉल ऑफिसर पदासाठी भरती सुरु आहे. सरकारी नोकरी करण्याची ही उत्तम संधी आहे. १०वी पास ते पदवीधर उमेदवार या नोकरीसाठी अर्ज करु शकतात.