अंगणवाडीमध्ये नोकरीची सुवर्णसंधी आहे. एकात्मित बालविकास सेना योजनेअंतर्गत अंगणवाडी मदतनीस पदासाठी भरती जाहीर करण्यात आली आहे. या नोकरीसाठी इच्छुक उमेदवारांनी लवकरात लवकर अर्ज करावेत. १२ वी उत्तीर्ण महिलांसाठी नोकरीची संधी आहे.

महिला व बालविकास विभागात नोकरी मिळवण्याची ही सुवर्णसंधी आहे. या भरतीची जाहिरात बाल विकास प्रकल्प अधिकारीद्वारे प्रकाशित करण्यात आली आहे.राज्य सरकार अंतर्गत ही भरती करण्यात येणार आहे. १२ वी पास महिला उमेदवार या नोकरीसाठी अर्ज करु शकतात.या नोकरीसाठी ऑफलाइन पद्धतीने अर्ज करण्यात येणार आहे.

१८ ते ३५ वयोगटातील उमेदवार या नोकरीसाठी अर्ज करु शकतात. या नोकरीसाठी एकूण २५ जागा रिक्त आहेत. अंगनवाडीत पर्मनंट नोकरी मिळवण्याची ही चांगली संधी आहे. अमरावती उत्तर या विभागासाठी ही भरती केली जाणार आहे. या नोकरीसाठी अर्ज करण्याची शेवटची तारीख ३ सप्टेंबर २०२४ आहे.

या नोकरीसाठी अमरावती उत्तर विभागातील स्थानिक रहिवासी अर्ज करु शकतात. उमेदवाराने मराठी विषयासह १० वी उत्तीर्ण असणे गरजेचे आहे. त्यांच्याकडे दहावीच्या बोर्डचे प्रमाणपत्र असावे. या नोकरीसाठी तुम्हाला अर्ज बाल विकास प्रकल्प कार्यालय (सिव्हिल) अमरावती उत्तर, अधिवक्ता विकास काळे बिल्डिंग रुख्मिणी नगर, अमरावती रोड, परतवाडा, ता. अचलपूर, जिल्हा-अमरावती येथे पाठवायचा आहे.