जर तुमचे सरकारी नोकरी करण्याचे स्वप्न असेल तर ही माहिती खास तुमच्यासाठी. सध्या पोस्ट ऑफिस ते सरकारी बँकामध्ये नोकरीची सुवर्णसंधी आहे. अनेक ठिकाणी नोकरीसाठी तुम्ही अर्ज करु शकतात. अगदी १० वी पास ते ग्रॅज्युएशन पास उमेदवारांसाठी नोकरीची संधी आहे.

इंडिया पोस्ट ऑफिसमध्ये ग्रामीण डाक सेवकाच्या ३५ हजार पदांसाठी नोकरीची संधी आहे. १० वी पास उमेदवार या नोकरीसाठी अर्ज करु सकतात. १५ जुलैपूर्वी तुम्हाला या योजनेसाठी अर्ज करायचा आहे. या नोकरीसाठी १८ ते ४० वर्ष वयोगट आहे.

SSC CGL पदांसाठी भरती सुरु आहे.यासाठी अर्ज प्रक्रिया सुरु झाली आहे. अर्ज करण्यासाठी ssc.gov.in या साइटला भेट द्यावी लागेल. १८ ते ३२ वयोगटातील उमेदवार या नोकरीसाठी अर्ज करु शकतात.

IBPS लिपिक भरतीची अधिसूचना जाहीर करण्यात आली आहे. सार्वजनिक क्षेत्रातील बँकासाठी लिपिक पदासाठी उमेदवारांची निवड केली जाते. पदवी पास उमेदवार २१ जुलैपर्यंत अर्ज करु शकतात. यासाठी एकूण ६१२८ पदांसाठी भरती होणार आहे. या नोकरीसाठी निवड झाल्यास ४७,००० रुपये मासिक वेतन मिळेल.

याचसोबत मुंबई उच्च न्यायलय, पंजाब नॅशनल बँकेत मोठी भरती सुरु आहे. स्टेट बँक ऑफ इंडियामध्येही विविध पदांसाठी भरती सुरु आहे. या पदांसाठी पदवी प्राप्त उमेदवार अर्ज करु शकतात. त्याचसोबत आयडीबीआय बँकेत ३१ पदांसाठी भरती सुरु आहे.