ज्या तरुणांचे नुकतेच ग्रॅज्युएशन झाले आहे आणि नोकरीच्या शोधात आहेत त्यांच्यासाठी आनंदाची बातमी आहे. एक्सपोर्ट क्रेडिट गॅरंटी कॉर्पोरेशन ऑफ इंडिया म्हणजेच ECGC मध्ये भरती जाहीर करण्यात आली आहे. पदवीधर उमेदवारांसाठी नोकरीची ही चांगली संधी आहे.

एक्सपोर्ट क्रेडिट गॅरंटी कॉर्पोरेशन ऑफ इंडियामध्ये प्रोबेशनरी ऑफिसर पदासाठी ही भरती जाहीर केली जाणार आहे. या नोकरीसाठी इच्छुक उमेदवारांनी ऑनलाइन पद्धतीने अर्ज करायचा आहे. मोठ्या कंपनीमध्ये ऑफिसर पदावर काम करण्याची ही चांगली संधी आहे.

ईसीजीसीमध्ये प्रोबेशनरी ऑफिसर पदासाठी दर महिन्याला १,२०,००० रुपये पगार मिळणार आहे. या नोकरीसाठी कोणत्याही शाखेतील पदवीधर उमेदवार अर्ज करु शकतात.

या नोकरीसाठी २१ ते ३० वयोगटातील उमेदवार अर्ज करु शकतात. १ सप्टेंबर २०२४ च्या आधारावर ही वयोमर्यादा निश्चित करण्यात येणार आहे. या नोकरीसाठी अर्ज करण्याची शेवटची तारीख १३ ऑक्टोबर २०२४ आहे. या नोकरीसाठी अर्ज करताना सामान्य प्रवर्गातील उमेदवारांना ९०० रुपये अर्ज फी भरायची आहे तर राखीव प्रवर्गातील उमेदवारांना १७५ रुपये फी भरायची आहे. (ECGC Recruitment)

या नोकरीसाठी उमेदवारांना परीक्षा द्यावी लागणार आहे. या नोकरीसाठी तुमची MCQ परीक्षा घेतली जाणार आहे. त्यानंतर तुम्हाला ४० गुणांची लेखी परीक्षा द्यावी लागणार आहे.या नोकरीसाठी इच्छुक उमेदवारांनी लवकरात लवकर अर्ज करावेत. (ECGC PO Recruitment)