रेल्वेत नोकरी करण्याची ही उत्तम संधी आहे. सेंट्रल रेल्वेत सध्या विविध पदांसाठी भरती जाहीर करण्यात आली आहे. सेंट्रल रेल्वेत अप्रेंटिसशिप पदांसाठी भरती होणार आहे. या पदांसाठी १०वी आणि १२वी पास उमेदवार अर्ज करु शकतात. या नोकरीसाठी अर्जप्रक्रिया १२ ऑगस्टपासून सुरु झाली आहे. या नोकरीसाठी अर्ज करण्याची शेवटची तारीख ११ सप्टेंबर २०२५ आहे.

सेंट्रल रेल्वेत तब्बल २४१८ पदांसाठी भरती जाहीर केली आहे. या नोकरीसाठी तुम्ही www.rrccr.com या वेबसाइटवर जाऊन अर्ज करु शकतात. यासाठी ऑनलाइन अप्लाय करायचे आहे.

पात्रता

सेंट्रल रेल्वेतील अप्रेंटिसशिप पदासाठी १५ ते २४ वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे. त्यामुळे सरकारी विभागात नोकरी करण्याची ही उत्तम संधी आहे.

अप्रेंटिस पदासाठी निवड झाल्यानंतर तुम्हाला खूप काही शिकता येणार आहे. तुम्हाला रेल्वेतील अनेक कामांची माहिती मिळणार आहे. त्यामुळे भविष्यात तुम्हाला चांगल्या विभागात नोकरी करण्याची संधी मिळणार आहे.

शैक्षणिक पात्रता

या नोकरीसाठी अर्ज करणाऱ्या उमेदवारांनी कोणत्याही मान्यताप्राप्त बोर्डातून १०वी आणि १२वी पास असणे गरजेचे आहे. उमेदवारांना ५० टक्के गुण मिळालेले असावे. याचसोबत उमेदवारांकडे संबंधित ट्रेडमध्ये नॅशनल सर्टिफिकेट इसे गरजेचे आहे.

अर्ज कसा करावा?

सर्वात आधी तुम्हाला www.rrccr.com या वेबसाइटवर जायचे आहे.

यानंतर Online applications वर क्लिक करा.

यानंतर लॉग इन करा आणि तुमची माहिती भरा. याचसोबत कागदपत्रे भरा.

यानंतर फी भरा आणि फॉर्म सबमिट करा.

या फॉर्मची प्रिंट आउट काढून तुमच्याजवळ ठेवा.