बँकेत नोकरी करण्याची इच्छा असणाऱ्या तरुणांसाठी सुवर्णसंधी आहे. सेंट्रल बँक ऑफ इंडियामध्ये विविध पदांसाठी भरती सुरु आहे. नॅशनल बँकेत नोकरी करण्याची ही सुवर्णसंधी आहे. सेंट्रल बँकेत फॅकल्टी आणि गार्डनर पदासाठी भरती सुरु आहे. या नोकरीसाठी सेंट्रल बँकेच्या अधिकृत वेबसाइटवर देण्यात आली आहे. नोकरीबाबत अधिसूचना पाहण्यासाठी centralbankofindia.co.in या वेबसाइटला तुम्ही भेट देऊ शकतात.

सेंट्रल बँक ऑफ इंडियामध्ये नोकरीसाठी अर्जप्रक्रिया सुरु झाली आहे. या नोकरीसाठी अर्ज करण्याची शेवटची तारीख २३ ऑगस्ट आहे. २३ ऑगस्टपूर्वी इच्छुक उमेदवारांनी या नोकरीसाठी अर्ज करावेत. याबाबत सर्व माहिती अधिसूचनेत देण्यात आलेली आहे.

सेंट्रल बँक ऑफ इंडियामध्ये फॅकल्टी पदासाठी अर्ज करणाऱ्या उमेदवाराकडे ग्रामीण विकासामध्ये एमएसडब्ल्यू/एमए/बीएससी पदवी असणे आवश्यक आहे. याशिवाय उमेदवारांना संगणकाची माहिती असणे गरजेचे आहे.

गार्ड कम गार्डनर पदासाठी उमेदवार ७ वी उत्तीर्ण असावा. उमेदवाराने शेतीत काम केलेले असावे. त्यांना मातीचे किंवा जमिनीचे ज्ञान असणे गरजेचे आहे.

सेंट्रल बँक ऑफ इंडियामध्ये फॅकल्टी पदासाठी अर्ज करणाऱ्या उमेदवाराचे वय ६५ पेक्षा जास्त नसावे. तर गार्डनर पदासाठी अर्ज करणाऱ्या उमेदवाराचे वय २२ ते ४० वयोगटातील असावे.

या नोकरीसाठी उमेदवारांची निवड मुलाखतीद्वारे केली जाणार आहे. या नोकरीसाठी तुम्हाला लेखी परीक्षा द्यावी लागणार नाही. या नोकरीसाठी उमेदवारांना ६००० ते २०,००० रुपये मानधन देण्यात येणार आहे.