नोकरीच्या शोधात असणाऱ्या तरुणांसाठी सुवर्णसंधी आहे. बँक ऑफ महाराष्ट्रमध्ये विविध पदांसाठी भरती सुरु आहे. बँक ऑफ महाराष्ट्र ही राज्यातील सर्वात चांगली बँक आहे. बँकेत स्केल I,II,III,IV,V आणि VI मधील कर्मचाऱ्यांसाठी भरती जाहीर करण्यात आली आहे. इच्छुक उमेदवारांनी लवकरात लवकर अर्ज पाठवायचे आहेत. याबाबत बँक ऑफ महाराष्ट्रने जाहिरात प्रसिद्ध केली आहे.

बँकिग क्षेत्रात काम करण्याची ही सुवर्णसंधी आहे. या नोकरीसाठी शैक्षणिक पात्रता ही पदाच्या आवश्यकतेनुसार असणार आहे. या नोकरीसाठी ऑफलाइन पद्धतीने अर्ज मागवण्यात आले आहे. या नोकरीसाठी वयोमर्यादा ५० वर्षे निश्चित करण्यात आली आहे.

आयटी डिपार्टमेंट, बँकिंग डिपार्टमेंट, सीआयएसओ, सीडीओ, फॉरोक्स अँड ट्रेझरी विभागात नोकरीची संधी आहे. या नोकरीसाठी एकूण १९५ पदांवर भरती होणार आहे. २६ जुलै २०२४ ही अर्ज करण्याची शेवटची तारीख आहे.

या नोकरीसाठी तुम्हाला अर्ज बँक ऑफ महाराष्ट्र, एचआरएम विभाग, मुख्य कार्यालय, लोकमंगल, १५०१, शिवाजीनगर, पुणे येथे पाठवायचा आहे. या नोकरीसाठी पात्रता निकष आणि जन्मतारखेचा पुरावा दाखल करावा. यासंबंधित कागदपत्रे मुलाखतीच्या दिवशी घेऊन जाणे गरजेचे आहे.

याचसोबत आयबीपीएसद्वारे विविध बँकामध्ये पदभरती केली जाणार आहे. आयबीपीएसद्वारे क्लर्क या पदासाठी भरती जाहीर केली आहे. या नोकरीसाठी अर्ज करण्याची शेवटची तारीख २८ जुलै २०२४ आहे. त्यामुळे इच्छुक उमेदवारांनी त्याआधी अर्ज करावेत.