तुम्ही जर नोकरीच्या शोधात असाल तर तुमच्यासाठी सुवर्णसंधी आहे. तुम्ही जर पदवीधर असाल असाल तर तुम्हाला गार्डन रिच शिपबिल्डर्स अँड इंजिनिअर्स लिमिटेड कंपनीत नोकरी करण्याची संधी मिळणार आहे. गार्डन रिच शिपबिल्डर्स अँड इंजिनिअर्स लिमिटेड ने २३६ जागांची भरती सुरु केली आहे. त्यात एचआर आणि शिकाऊ प्रशिक्षणार्थी रिक्त जागांसाठी ऑनलाइन अर्ज प्रक्रिया सुरु केली आहे. तुम्हाला यात नोंदणी करायची असल्यास ‘jobapply.in/grse2024app’ या अ‍ॅपवर तुम्ही अर्ज करु शकता. याची मुदत १९ ऑक्टोबर पासून सुरु करण्यात आली आहे. हा अर्ज भरण्याची शेवटची तारिख १७ नोव्हेंबर असणार आहे.

गार्डन रिच शिपबिल्डर्स अँड इंजिनिअर्स लिमिटेड ने भरतीच्या प्रक्रियेला सुरुवात केली आहे. या भरतीच्या दरम्यान निवडलेल्या उमेदवारांना ट्रेनीच्या पदासाठी नियुक्त केले जाणार आहे. यात एचआर पदासाठी सगळ्याच इच्छुक लोकांना अर्ज करता येणार आहे. ऑक्टोबर च्या १९ तारखेपासून या भरतीची प्रक्रीया सुरु झाली आहे.

हा अर्ज तुम्हाला ऑनलाईन पद्धतीने घरच्याघरी भरता येणार आहे. यात उमेदवारांना काही अटी शर्ती पात्र असणे गरजेचे आहे. यात पात्रता , वयोवमर्यादा इत्यादींबद्दल जाणून घेण्यासाठी उमेदवार खालील सुचनांची पाहणी करु शकता.

रिक्त जागा तपशील:

१. तुम्ही ट्रेड अप्रेंटिस (एक्स आयटीआय) पदासाठी इच्छुक असाल तर त्यासाठी एकूण ९० जागा असणार आहेत.

२. तुम्ही जर ट्रेड अप्रेंटिस (फ्रेशर) साठी इच्छुक असाल तर त्यासाठी एकूण ४० जागा असणार आहेत.

३. तुम्ही जर पदवीधर प्रशिक्षणार्थी पदासाठी इच्छुक असाल तर त्यासाठी एकूण ४० जागा असणार आहेत.

४. तुम्ही जर तंत्रज्ञ शिकाऊ पदासाठी इच्छुक असाल तर त्यासाठी एकूण ६० जागा असणार आहेत.

५. एचआर प्रशिक्षणार्थी पदासाठी इच्छुक असाल तर ६ जागा रिक्त असणार आहेत.

यासर्व पदासाठी तुमचे वय २६ वर्षांपेक्षा जास्त नसावे. एच आर प्रशिक्षणार्थी रिक्त पदांसाठी, उमेदवारांना एमबीए / पीजी पदवी / पीजी डिप्लोमा पदवीधर आणि दोन वर्षांचा पूर्ण वेळ प्रथम श्रेणी किंवा ६० टक्के (एससी/एसटी/ओबीसी/पीएच उमेदवारांसाठी ५५ टक्के) अर्ज आवश्यक आहेत. मानव संसाधन व्यवस्थापन / मानव संसाधन विकास / कार्मिक व्यवस्थापन / औद्योगिक संबंध / सामाजिक कार्य / कामगार या क्षेत्रात शिकलेले उमेदवार हा अर्ज भरु शकतात.

Written By : Sakshi Jadhav