सरकारी नोकरीच्या शोधात असणाऱ्या तरुणांसाठी आनंदाची बातमी आहे. आकाशवाणी पुणेअंतर्गत भरती जाहीर करण्यात आली आहे. ऑल इंडिया रेडिओमध्ये नोकरी करण्याची सुवर्णसंधी तुमच्याकडे आहे. याबाबत वरिष्ठ प्रशासनिक अधिकारी, आकाशवाणी, पुणे द्वारे ही जाहिरात प्रकाशित करण्यात आली आहे.

प्रसारभारती विभागात भरती केली जाणार आहे. या नोकरीसाठी ऑनलाइन आणि ऑफलाइन पद्धतीने अर्ज करु शकतात. २४ ते ५० वयोगटातील उमेदवार या नोकरीसाठी अर्ज करु शकतात. वार्ताहर पदासाठी ही भरती केली जाणार आहे. कंत्राटी पद्धतीने ही भरती केली जाणार आहे. (All India Radio Recruitment)

वार्ताहर पदासाठी पत्रकारिता किंवा जन-संज्ञापनातील पदव्युतर पदविका/ पदवी प्राप्त केलेली असावी. याचसोबत मान्यताप्राप्त विद्यापीठातून शैक्षणिक पदवी आणि किमान दोन वर्षाचा पत्रकारिता क्षेत्रात कामाचा अनुभव असावा. या नोकरीसाठी अर्ज करणारा उमेदवार या त्याच जिल्ह्याचा रहिवासी असावा. (Akashvani Job)

या नोकरीसाठी अर्ज करणाऱ्या उमेदवाराला संगणकाचे वर्ड प्रोसेसिंगचे ज्ञान असणे गरजेचे आहे.पुणे येथील आकाशवाणी केंद्रावर ही भरती केली जाणार आहे. या नोकरीसाठी उमेदवार अर्ज arnupune@gmai.com या ई मेल आयडीवर पाठवू शकता.तसेच ऑफलाइन पद्धतीने प्रादेशिक वृत्त विभाग, आकाशवाणी, शिवाजीनगर, पुणे ४११००५ येथे अर्ज पाठवायचा आहे. या नोकरीसाठी अर्ज करण्याची शेवटची तारीख १९ ऑक्टेबर २०२४ आहे. इच्छुक उमेदवारांनी मुदतीपूर्वी अर्ज करावेत. (Government Job)