नवी दिल्ली : प्रेम हे आंधळं असतं असं नेहमी म्हटलं जातं. प्रेमात जात पात, वय तसेच वर्ण बघितल्या जात नाही. प्रेम कधीही कुणावरही होऊ शकतं. याचाच प्रत्यय एका प्रकरणातून आला आहे. २० वर्षीय तरुण मालकिणीचं आपल्या नोकरावर प्रेम जडलं, दोघांमधील अंतर हळूहळू कमी होतं गेलं. दोघांचाही प्रेमात इतका आकंठ बुडाला की त्यांनी लग्नाचा निर्णय घेतला.

एखाद्या चित्रपटाच्या कथेलाही लाजवेल असा प्रकार पाकिस्तानातील सिंध प्रांतातून समोर आला आहे. आमिर आणि मुस्कान असं या प्रेमीयुगुलाचं नाव आहे. मीडिया रिपोर्टनुसार, आमिर हा मुस्कानच्या घरी नोकर म्हणून कामाला होता. तो ४ म्हशींची देखभाल करत होता. आमिर पूर्ण इमानदारीने काम करायचा तसेच तो नियमित कामावर यायचा.

केवळ आमिरचा हा प्रामाणिकपणा आणि समर्पण मुस्कानच्या हृदयाला स्पर्श करून गेला. त्यामुळे मुस्कानला आमिर आवडू लागला. मात्र, आमिरला प्रपोज करायची मुस्कानची हिंमत होत नव्हती. कारण, आमिर हा गरीब होता. तरीसुद्धा एकेदिवशी तिने हिंमत एकवटून आपले प्रेम व्यक्त केले.

मुस्कान त्याच्याजवळ आली आणि तिने तिच्याकडे आपले प्रेम व्यक्त केले. तिने आमिरला सांगितले की ती त्याच्या प्रेमात पडली आहे आणि तिला लग्न करायचे आहे. हे ऐकून आमिरला धक्काच बसला. मात्र, त्यांनी मुस्कानकडे संध्याकाळपर्यंतची वेळ मागितली.

दरम्यान, कुटुंबीयांशी बोलून आमिरने मुस्कानचा प्रस्ताव स्वीकारला. रिपोर्ट्सनुसार आता दोघेही लग्नानंतर खूप खुश आहेत. मुस्कानने सांगितले की, आता म्हशींची काळजी घेण्यासाठी तीन लोकांना कामावर ठेवण्यात आलं आहे. मुस्कानच्या आई-वडिलांनी सुद्धा दोघांनाही स्वीकारलं आहे.