Dog and Snake Viral Video News : साप प्रचंड विषारी प्राणी आहे. सापाचं विष माणसांसहित प्राण्यांनाही माणसांनाही अत्यंत घातक आहे. यामुळे प्राणी किंवा माणसं विषारी सापापासून दूरच राहतात. सापांवर प्रेम करणारे क्वचित माणसं आढळून येतील. मुंगूस प्राणी सोडला तर कोणत्याही प्राण्याची सापासोबत क्वचित झुंज पाहिली असेल. मात्र, सोशल मीडियावर पाळीव कुत्र्याचा आणि विषारी सापाच्या जीवघेणी झुंजीचा व्हिडिओ सोशल मीडियावर प्रचंड व्हायरल होत आहे. (Latest Marathi News)

इन्स्टाग्रामवर (Instagram) A.F.Ranch नावाच्या अंकाऊटने पाळीव कुत्रा आणि सापाच्या झुंजीचा व्हिडिओ शेअर केला आहे. या व्हिडिओमध्ये दिसत आहे की, कुत्र्याने विषारी सापावर हल्ला करत त्याचा जीवच घेतला आहे. पाळीव कुत्र्याने सर्वात आधी तोंडाने एका वाहनातून त्याला बाहेर काढलं. त्यानंतर तोडांने सापाला जोरानं जमिनीवर आपटण्यास सुरुवात केली. सातत्याने आपटल्यामुळे काही वेळातच या सापाचा जीवच गेला. सोशल मीडियावर हा व्हिडिओ पाहून अनेकांच्या अंगाचा थरकाप उडत आहे.

नेमकं काय घडलं ?

पाळीव कुत्रा आणि विषारी सापाची झुंज सोशल मीडियावर प्रचंड व्हायरल होत आहे. या व्हिडिओमध्ये एका व्यक्तीने वाहनातील सापाला काठीने इंजिनमधून बाहेर काढण्याचा प्रयत्न केला. मात्र, साप बाहेर निघाला नाही. त्यानंतर पाळीव कुत्र्याने तोंडाने सापाला इंजिनमधून बाहेर काढलं. त्यानंतर कुत्र्याने सापाला जमिनीवर आपटायला सुरुवात केली. सातत्याने आपटल्यामुळे सापाचा जीवच गेला.

दरम्यान, अनेक कुत्रे हे सापापासून लांब राहण्याचा प्रयत्न करतात. मात्र, अनेकांना पाळीव कुत्र्याची भयानक झुंज पाहून आश्चर्याचा धक्का बसत आहे. हा विषारी साप कुत्र्याला चावला असता तर पाळीव कुत्र्याचाही मृत्यू झाला असता. मात्र, तसे होण्याआधीच कुत्र्याने सापाचा जीव घेतला. या दोन्ही प्राण्याच्या झुंजीचा व्हिडिओ सोशल मीडियावर प्रचंड व्हायरल होत आहे.