मुंबई : दिल्लीचे नवे मुख्यमंत्री कोण असणार? हा सस्पेन्स मागील दोन दिवसांपासून होता. अखेर आता हा सस्पेन्स संपलाय. आम आदमी पक्षाच्या विद्यमान शिक्षण मंत्री आतिशी मार्लेना ह्या दिल्लीच्या नव्या मुख्यमंत्री असतील, अशी माहिती मिळतेय. पक्षाच्या बैठकीत आतिशी मार्लेना यांच्या नावाला मंजुरी देण्यात आली. दोन दिवसांपूर्वी आम आदमी पक्षाचे प्रमुख अरविंद केजरीवाल यांनी मुख्यमंत्रीपदाचा राजीनामा देणार असल्याची घोषणा केली होती. दिल्लीच्या नव्या मुख्यमंत्री आतिशी मार्लेना यांच्याकडे एकूण किती संपत्ती, ते आपण जाणून घेऊ या.

दिल्लीचे नवीन मुख्यमंत्री

आतिशी मार्लेना यांनी २०२० मध्ये दिल्ली विधानसभा निवडणुकीदरम्यान निवडणूक आयोगाला दिलेल्या प्रतिज्ञापत्रात नमूद केलं होतं की, त्यांच्याकडे सुमारे १ कोटी ४१ लाख रुपयांची संपत्ती (Net Worth Of Atishi Marlena) आहे. स्टेट बँक ऑफ इंडिया, आयसीआयसीआय बँक आणि बँक ऑफ बडोदामध्ये आतिशी यांची तीन खाती आहेत. या खात्यांमध्ये आतिशी यांच्या नावावर सुमारे १ लाख ३८ हजार रुपये जमा आहेत.एसबीआय आणि आयसीआयसीआय बँकेमध्ये ३९ लाख आणि १८ लाख रुपयांच्या दोन एफडी आहेत.

आतिशी मार्लेना यांची संपत्ती किती?

आतिशी मार्लेना यांच्या पतीच्या नावावर देखील आयसीआयसीआय बँकेत खाते असून त्यामध्ये आठ लाख रुपये ( Atishi Marlena Assets) आहेत. त्यांच्याकडे सुमारे ५४ लाख रुपयांची एफडी आहे. दिल्लीच्या नव्या मुख्यमंत्र्यांच्या नावावर गाडी, बंगला असं काहीच नाहीये. मालमत्तेच्या घोषणेमध्ये आतिशी मार्लेना यांनी ५ लाख रुपयांची आरोग्य विमा पॉलिसी असल्याचा देखील खुलासा (What Is Net Worth Of Atishi Marlena) केलाय. आतिशी यांच्या पतीचे सुमारे १३ लाख रुपयांचे पीपीएफ खाते, साडेचार लाख रुपयांची पोस्टल एफडी आणि २७ हजार रुपयांची बचत आहे.

अरविंद केजरीवाल यांच्या विश्वासू

आतिशी मार्लेना सध्या दिल्लीच्या शिक्षण मंत्री आहेत. आतिशी यांचा अरविंद केजरीवाल यांच्या विश्वासू नेत्यांमध्ये समावेश होतोय. कथित दिल्ली दारू घोटाळ्याप्रकरणी अरविंद केजरीवाल तुरुंगात असताना (New Chief Minister Of Delhi) आतिषी यांनी भाजप आणि पंतप्रधान मोदींवर हल्लाबोल केला होता. अरविंद केजरीवाल यांच्या राजीनाम्याची घोषणा होताच, आतिशी यांचं नाव मुख्यमंत्रिपदासाठी चर्चेत होतं. त्याला आज आप पक्षाच्या बैठकीत मंजुरी देण्यात आलीय. अरविंद केजरीवाल संध्याकाळी साडेचार वाजता पदाचा राजीनामा देणार आहेत.