Revoting at 15 booths in West Bengal Vidhan sabha election : पश्चिम बंगालमध्ये विधानसभा निवडणुकीसाठी १५ बूथवर फेरमतदानाला सुरूवात झाली आहे. या १५ बूथवर मतदानादरम्यान गैरप्रकाराच्या तक्रारी आल्याने निवडणूक आयोगाने फेरमतदान घेण्याचा निर्णय घेतलाय. मगराहाट पश्चिम विधानसभा मतदारसंघातील 11 बूथवर तर डायमंड हार्बर विधानसभा मतदारसंघातील 4 बूथवर पुन्हा मतदान सुरू झाले आहे. why revoting is happening in West Bengal elections

विधानसभा निवडणुकीच्या दुसऱ्या टप्प्यात १५ ठिकाणी गैरप्रकार, अनियमितता झाल्याच्या अनेक तक्रारी समोर आल्या होत्या. त्यामुळे निवडणूक प्रक्रियेच्या निष्पक्षतेबद्दल गंभीर चिंता निर्माण झाली. त्यामुळेच या ठिकाणी पुन्हा मतदान घेण्याचा निर्णय घेण्यात आला. सीसीटीव्ही कॅमेऱ्यांमध्ये बिघाड अथवा मुद्दाम ते बंद ठेवल्याचा आरोप आहे. त्याशिवाय इलेक्ट्रॉनिक मतदान यंत्रांमध्ये (EVM) छेडछाड झाल्याच्या संशयापर्यंतचे आरोप आहेत. सूत्रांनुसार, काही EVM वरील पक्षांची चिन्हे टेपने झाकलेली होती. त्यामुळे मतदारांच्या पसंतीवर परिणाम होण्याची शक्यता होती.