mamata banerjee injured :

पश्चिम बंगालच्या मुख्यमंत्री ममता बॅनर्जी यांच्या बाबत मोठी बातमी हाती आली आहे. मुख्यमंत्री ममता बॅनर्जी यांच्या डोक्याला दुखापत झाल्याची घटना घडली आहे. टीएमसीने एक्स हँडलवरून याबाबत ही माहिती दिली आहे. (Latest marathi News)

पश्चिम बंगालच्या मुख्यमंत्री ममता बॅनर्जी यांचा जखमी अवस्थेमधील काही फोटो समोर आले आहेत. त्यांच्या डोक्याला दुखापत झाल्याचे दिसत आहे. बॅनर्जी यांना कोलकातामधील एसएसकेएम रुग्णालयात दाखल करण्यात आलं आहे. त्यांच्यावर रुग्णालाय उपचार सुरु आहेत.

मीडिया रिपोर्टनुसार, मुख्यमंत्री ममता बॅनर्जी या घरात ट्रेड मिलवर व्यायाम करताना पडल्या. यानंतर अभिषेक बॅनर्जी यांनी त्यांना तातडीने रुग्णालयात दाखल केलं. ममता बॅनर्जी या याआधी देखील दुखापतग्रस्त झाल्या होत्या.

गेल्या वर्षी जानेवारी महिन्यात त्यांचा अपघात झाला होता. बर्धमानहून कोलकाताला परतत असताना धुक्यामुळे कार अपघात झाला.

सूत्रांच्या माहितीनुसार, पावसाळ्यात ममता बॅनर्जी या कारने परतत होत्या. कारमध्ये असताना ड्रायव्हरने अचानक ब्रेक मारल्यानंतर ममता बॅनर्जी यांच्या डोक्याला दुखापत झाली होती. ममता बॅनर्जी यांच्या ताफ्यातील एका कारने अचानक ब्रेक दाबला. त्यानंतर ममता बॅनर्जी यांच्या कारच्या ड्रायव्हरलाही ब्रेक मारावा लागला. त्यानंतर झालेल्या अपघातात ममता बॅनर्जी यांच्या डोक्याला दुखापत झाली होती.

दरम्यान, मुख्यमंत्री ममता बॅनर्जी यांना २०२१ मध्येही त्यांच्या पायाला गंभीर दुखापत झाली होती. त्यावेळी त्यांच्यावर अनेक उपचार सुरु होते. त्यावेळी पश्चिम बंगालमध्ये विधानसभा निवडणुकीचं वातावरण होतं. त्यावेळी मुख्यमंत्री ममता बॅनर्जी या नंदीग्राम मतदारसंघातील प्रचारादरम्यान दुखापतग्रस्त झाल्या होत्या. त्यावेळी त्यांच्या पायाला गंभीर दुखापत झाली होती.