Viral News: उत्तर प्रदेशातील लखनऊ येथील किंग जॉर्ज मेडिकल युनिव्हर्सिटी (KGMU) येथील डॉक्टरांनी एका महिला रुग्णावर एकाच वेळी यशस्वी हृदय शस्त्रक्रिया आणि सिझेरियन प्रसूती केली आहे.

केजीएमयूचे प्रवक्ते डॉ. सुधीर सिंह यांनी सांगितले की आमच्या माहितीनुसार उत्तर प्रदेशमध्ये पहिल्यांदाच गर्भवती महिलेसाठी एवढी गुंतागुंतीची प्रक्रिया करण्यात आली. या शस्त्रक्रियेनंतर आई आणि नवजात बाळ दोघेही सुखरुप आहेत.

हृदयविकाराचा गंभीर आजार असलेली 27 वर्षीय महिला रुग्ण पूर्ण मुदतीच्या गर्भावस्थेत प्रसूती आणि स्त्रीरोग विभागात आली होती. डॉ. सिंह यांनी सांगितले की, ती महिला गर्भधारणेसह गंभीर स्थितीत असल्याने उत्तराखंडमधील अनेक रुग्णालयांनी तिला KGMU मध्ये पाठवले होते. (Latest Marathi News)

अशा रुग्णांपैकी बहुतेक रुग्ण सक्रीय प्रसूतीदरम्यान किंवा ऍनेस्थेसियानंतर बेशुद्ध होतात. कारण त्यांचे हृदय क्लिष्ट शस्त्रक्रिया प्रक्रिया सहन करू शकत नाही. त्यामुळे या महिलेला अनेक रुग्णालयांनी शस्त्रक्रिया करण्यास नकार दिला आणि तिला हाय सेंटरमध्ये पाठवले. सीव्हीटीएसचे प्रोफेसर एसके सिंग म्हणाले की, या महिलेची प्रसूती करणे हे मोठे आव्हान होते. (Viral News)

डॉक्टरांनी सांगितले की, सी-सेक्शन आणि हृदय शस्त्रक्रियेदरम्यान मुलाचा मृत्यू होण्याची शक्यता जास्त असते. त्यामुळे प्रसूतीतज्ञ, कार्डियाक ऍनेस्थेटिस्ट आणि कार्डियाक सर्जन असे वेगवेगळे तज्ञ असलेल्या टीमने विचारमंथन केल्यानंतर एकाच सिटिंगमध्ये सिझेरियन सेक्शन आणि हृदय शस्त्रक्रिया करून महिला आणि तिच्या बाळाला वाचवण्याचा निर्णय घेण्यात आला.