Bihar JDU Leader Baliram Singh Viral Video बिहारच्या राजकारणात खळबळ उडवणारी बातमी समोर आली आहे. सारण जिल्ह्यातील मढौरा तालुक्यात जेडीयू या पक्षाचे नेते बलीराम सिंग उर्फ ​​गामा सिंग यांचा एका मुलीसोबत शेतातील व्हिडिओ व्हायरल झाला आहे. व्हायरल झालेल्या व्हिडिओमध्ये गामा सिंग एका तरुणीसोबत शेतातून पळताना पाहायला मिळत आहेत. हा व्हिडिओ चित्रित करणाऱ्या स्थानिक तरुणांचा दावा आहे की, ते दोघे नको त्या अवस्थेत शेतात आढळले. या व्हिडिओमुळे परिसरात खळबळ उडाली आहे.

व्हायरल झालेल्या व्हिडिओनुसार, एक तरुण मुलगी शेतातून धावताना पाहायला मिळते आहे. तिच्यासोबत एक पुरुष देखील धावताना दिसत आहे. व्हिडिओ काढणाऱ्या तरुणांनी तरुणीचा पाठलाग करत तिचा चेहरा चित्रित करण्याचा प्रयत्न केला तेव्हा मुलगी संतापली. तिने तिच्या चपला काढल्या आणि व्हिडिओ काढणाऱ्या तरुणांच्या अंगावर धावून गेली असल्याचं व्हिडिओमध्ये दिसते आहे.

हा व्हिडिओ @madanmohansoni या एक्स सोशल मीडिया प्लॅटफॉर्मवरून शेअर करण्यात आला आहे. व्हिडिओ चित्रित करणाऱ्या तरुणांचा दावा आहे की, जेडीयू नेते बलीराम सिंग उर्फ ​​गामा सिंग आणि एक तरुणी शेतात अश्लील अवस्थेत होते. आम्हांला व्हिडिओ काढताना पाहून पकडल्या जाण्याच्या भीतीने त्यांनी घटनास्थळावरुन पळ काढला. या दाव्यांना अद्याप अधिकृतपणे दुजोरा मिळालेला नसला तरी, सोशल मीडियावर व्हायरल झालेल्या या व्हिडिओमुळे चर्चांना उधाण आले आहे.