Surabhi Jayashree Jagdish
मुंबई सेंट्रलहून महाराष्ट्र राज्य परिवहन महामंडळाची एसटी सकाळी ५ वाजता सुटते. हा प्रवास साधारण ७ तासांचा असून बस दुपारी १२ वाजेपर्यंत महाबळेश्वरला पोहोचते. त्यामुळे सकाळी लवकर निघून दुपारपासून महाबळेश्वरची सफर सुरू करता येते.
मुंबई सेंट्रल ते महाबळेश्वर हे अंतर सुमारे २२६ किलोमीटर आहे. वेळेची कमतरता असलेल्या पर्यटकांसाठी हा वन डे ट्रिप प्लॅन अतिशय सोयीचा ठरू शकतो. एका दिवसात प्रमुख ठिकाणं पाहून पुन्हा मुंबईकडे परतण्याची सुविधा या प्रवासातून मिळते.
या मार्गावरील एसटी बसचं पूर्ण तिकीट सुमारे ४६१ रुपये आहे. तर अर्धे तिकीट घेणाऱ्या प्रवाशांसाठी भाडे २३५ रुपये आहे. कमी खर्चात आरामदायी आणि सुरक्षित प्रवास करण्यासाठी हा पर्याय योग्य मानला जातो.
वेन्ना लेक हे महाबळेश्वरमधील सर्वात प्रसिद्ध पर्यटनस्थळांपैकी एक आहे. याठिकाणी बोटिंगचा आनंद घेता येतो आणि आजूबाजूच्या निसर्गसौंदर्याचा मनमुराद आस्वाद घेता येतो. कुटुंबासोबत आणि मित्रांसोबत वेळ घालवण्यासाठी हे ठिकाण उत्तम मानले जाते.
महाबळेश्वर मंदिर हे भगवान शिवाला समर्पित असलेलं प्राचीन आणि ऐतिहासिक मंदिर आहे. या मंदिराची वास्तुकला आणि धार्मिक महत्त्व पर्यटकांना आकर्षित करते. याठिकाणी दर्शन घेतल्याने आध्यात्मिक शांततेचा अनुभव मिळतो.
ऑर्थर सीट हा महाबळेश्वरमधील सर्वात प्रसिद्ध व्ह्यू पॉईंट मानला जातो. याठिकाणहून खोल दऱ्या आणि सह्याद्री पर्वतरांगांचं दृश्य पाहायला मिळतं. एलिफंट्स हेड पॉईंटवरील खडकाची रचना हत्तीच्या डोक्यासारखी दिसत असल्याने हे ठिकाण पर्यटकांमध्ये विशेष लोकप्रिय आहे.
सनसेट पॉईंट हे महाबळेश्वरमधील सूर्यास्त पाहण्यासाठी सर्वोत्तम ठिकाणांपैकी एक आहे. दिवसाच्या शेवटी निसर्गाचा अविस्मरणीय अनुभव घेण्यासाठी या ठिकाणाला नक्की भेट द्यावी.