उत्तर प्रदेशच्या हमीपूर येथून धक्कादायक घटना उघडकीस आली आहे. १० वर्षांच्या चिमुकलीवर बलात्कार करणाऱ्या आरोपीनं गळफास घेऊन आत्महत्या केली आहे. मुलीच्या कुटुबियांनी आरोपीविरोधात तक्रार दाखल केली होती. आरोपीाचा शोध घेण्यासाठी पोलिसांनी काही पथके तैनात केली होती. मात्र, आरोपी काही सापडला नाही. रविवारी सकाळी त्याचा मृतदेह फासावर लटकलेल्या अवस्थित आढळला. पोलिसांनी मृतदेह ताब्यात घेतला असून, शवविच्छेदनासाठी रूग्णालयात पाठवले आहे. दरम्यान, फॉरेन्सिक टीमने घटनास्थळाची पाहणी केली. पोलिसांकडून तपास सुरू आहे.

ही धक्कादायक घटना बिवांर पोलीस स्टेशन परिसरात घडली आहे. घटनेच्या दिवशी पीडित मुलगी आपल्या आईसोबत एका कार्यक्रमात सहभागी झाली होती. शेजारी सतीश (आलोक प्रजापती) नावाचा मुलगा बसला होता. पीडित मुलीची आई काही वेळाने घरी गेली होती. सतीशने मुलीला तिच्या आईला दूध देण्याच्या बहाण्याने घरी पाठवले होते. मुलगी बराच वेळ घरी आली नव्हती.

मुलगी सापडत नसल्यामुळे कुटुंबाने पोलीस ठाण्यात धाव घेतली. पोलीस आणि कुटुबियांनी मुलीचा शोध सुरू केला. दरम्यान, शोधानंतर मुलगी गावापासून २ किलोमीटर अतंरावर सापडली. ती रडत होती. आईनं मुलीकडे विचारपूस केली. तेव्हा धक्कादायक माहिती समोर आली. आरोपीने मुलीचे कपडे काढून जनावरांच्या गोठ्यात तिच्यावर बलात्कार केल्याची तक्रार, पीडितेच्या आईनं दाखल केली.

पीडितेवर अत्याचार केल्यानंतर आरोपी फरार झाला. पोलिसांनी आरोपी सतीशचा शोध घेण्यास सुरूवात केली. मात्र, रविवारी त्याचा मृतदेह झाडावर लटकलेल्या अवस्थेत आढळला. त्यानं धार्मिक स्थळाजवळील एका झाडाला गळफास लावून आयुष्य संपवलं. पोलिसांनी मृतदेह ताब्यात घेतला असून, शवविच्छेदनासाठी रूग्णालयात पाठवले आहे. पोस्टमॉर्टम रिपोर्ट समोर आल्यानंतर कारण समोर येईल. सध्या पोलिसांचा अधिक तपास सुरू आहे.