बेड उघडला तर नोटा आणि भिंत तोडली तर सोन्याचा पाऊस, एखाद्या सिनेमातील कथानकातील छापेमारीत घडावं असा प्रकार आग्र्यातील एका माजी अधिकाऱ्याच्या घरात घडला. उत्तर प्रदेश दक्षता विभागाने बेहिशोबी मालमत्तेच्या एका प्रकरणात मोठी कारवाई केलीय आहे. तपास अधिकाऱ्यांना एआरटीओच्या संपत्तीबाबत संशय आला, त्यानंतर त्यांनी माजी अधिकाऱ्याच्या घरात छापेमारी केली. त्यानंतर घरातील कुबेराचा खजिना पाहून तपास अधिकाऱ्यांचे डोके च्रकावले.

बुधवारी अधिकाऱ्यांनी आग्राचे तत्कालीन एआरटीओ (ARTO) ललित कुमार यांच्या लखनौमधील निवासस्थानी छापा टाकला. या झडतीदरम्यान सुमारे १.६२ कोटी रुपयांची रोकड, १३ किलो सोने, ९ किलो चांदी, तसेच हिरे आणि दागिने सापडले. तसेच लखनौ, बाराबंकी, रायबरेली आणि नोएडा येथील अनेक घरे, भूखंड (प्लॉट्स), फ्लॅटची बुकिंग आणि शेतजमिनीशी संबंधित कागदपत्रेही तपासादरम्यान आढळून आली आहेत. इतकी मोठी संपत्ती पाहून अधिकाऱ्यांना डोके चक्रावले.

यासह दोन गाड्या, एक रिव्हॉल्व्हर आणि गुंतवणुकीशी संबंधित १ कोटी रुपयांहून अधिक किमतीची कागदपत्रे जप्त करण्यात आली. जप्त करण्यात आलेल्या सोने, चांदी आणि दागिन्यांचे अंदाजित मूल्य सुमारे २० कोटी रुपये असल्याचे सांगण्यात येत आहे. या प्रकरणाचा पुढील तपास आणि कायदेशीर कार्यवाही सुरू आहे.

जप्त करण्यात आलेले सोने, चांदी आणि दागिने यांचे अंदाजित मूल्य २० कोटी रुपये इतके निश्चित करण्यात आले आहे. दक्षता विभागाच्या माहितीनुसार २०२४ मध्ये ललित कुमार यांच्याविरुद्ध 'भ्रष्टाचार प्रतिबंधक कायद्या'न्वये गुन्हा दाखल करण्यात आला होता. सरकारी निर्देशानुसार या प्रकरणाचा तपास सुरू आहे. ७ आणि ८ जुलै रोजी लखनौमधील अलीगंज येथील ललित कुमार यांच्या निवासस्थानी छापे टाकण्यात आले आहे.

झडतीदरम्यान, दक्षता पथकाला मालमत्तेशी संबंधित मोठ्या संख्येने कागदपत्रे सापडली आहेत. यात लखनौ, नोएडा, बाराबंकी आणि रायबरेली येथील निवासी भूखंड, फ्लॅट्स, शेतजमीन आणि इतर स्थावर मालमत्तेचा समावेश आहे. दोन आलिशान गाड्यांव्यतिरिक्त, बँका, पोस्ट ऑफिस, म्युच्युअल फंड आणि मुदत ठेवींमधील (फिक्स्ड डिपॉझिट्स) १ कोटी रुपयांहून अधिकच्या गुंतवणुकीशी संबंधित कागदपत्रेही जप्त करण्यात आली आहेत.