Vivek Ramaswamy  saam Tv
देश विदेश

US Presidential Election: मी हिंदू आहे...अमेरिकी अध्यक्षपदाच्या शर्यतीत असलेला मूळ भारतीय वंशाचा हा तरूण नेता कोण?

Vivek Ramaswamy : यावर्षी अमेरिकेत राष्ट्राध्यक्षाच्या पदासाठी निवडणूक होणार आहेत. या निवडणुकीत एक हिंदू उमेदवार आहेत, ज्यांची नावाची चर्चा सर्वात जास्त होत आहे. आपल्या विधानामुळे अमेरिकेच नाही तर भारतीय राजकीय वर्तुळात त्यांची चर्चा असते. कधी पंतप्रधान मोदींची स्तृती तर कधी हिंदू धर्मावरील भाष्यामुळे त्यांनी त्यांचं नाव नेहमी चर्चेत ठेवलंय.

Bharat Jadhav

US Presidential Election candidate Vivek Ramaswamy:

''मी हिंदू आहे. मला शिकवले गेले आहे की, देवाने आपल्या सर्वांना येथे एका उद्देशाने पाठवले आहे. धर्म बदलणारा मी खोटा हिंदू नाही. माझ्या राजकीय कारकिर्दीसाठी मी खोटे बोलू शकत नाही'', हे विधान कोणी भारतीय किंवा भाजप किंवा साधूचे नाहीत. हे विधान आहे अमेरिका राष्ट्राध्यक्षांच्या निवडणुकीतील उमेदवाराचे. त्यांचे नाव नेहमी अशा काही विधानामुळे चर्चेत असते. कधी हिंदू देव-देवतांवर तर कधी पंतप्रधान मोदींची स्तृती केल्याने ते चर्चेत असतात. हो, आपण सध्या चर्चा करत आहोत, रिपब्लिकन पार्टीचे उमेदवार विवेक रामास्वामींची. (Latest News)

विवेक रामास्वामी हे मूळ भारतीय वंशाचे आहेत. रामास्वामी राष्ट्राध्यक्ष पदाच्या निवडणूक लढवत आहेत. रामास्वामी आपल्या वक्तव्यांमुळे नेहमी चर्चेत असतात. आजही ते आपल्या विधानमुळे चर्चेत आहेत. विवेक रामास्वामी (Vivek Ramaswamy) आयोवामधील CNN टाउन हॉलला संबोधित करत होते. यावेळी रिपब्लिकन पक्षाच्या (Republican Party) गिनी मिशेल यांनी रामास्वामी यांना हिंदू धर्मावरून (Hindu Religion) प्रश्न केला होता. तुम्ही एक हिंदू राष्ट्राध्यक्ष अमेरिका कसा चालवू शकता. अनेकांना वाटतं की, तुम्ही अमेरिकेचे (America) राष्ट्राध्यक्ष होऊ शकत नाही. कारण तुम्ही अमेरिकेतील त्या धर्माला मानत नाहीत, ज्या धर्मावर आमच्या पूर्वजांनी अमेरिकेची स्थापना केली. असा मिशेल यांनी प्रश्न केला.

यावर उत्तर देताना रामास्वामी म्हणाले की, मला हे मान्य नाही. माझा विश्वास आहे की, आपण सर्व समान आहोत. कारण देव आपल्या सर्वांमध्ये आहे. ख्रिश्चन धर्माचा प्रचार करण्यासाठी मी सर्वोत्तम राष्ट्राध्यक्ष होऊ शकत नाही. धर्म प्रचाराचे काम अमेरिकन राष्ट्राध्यक्षांचे नाही. पण ज्या मूल्यांवर अमेरिकेची स्थापना झाली त्या मूल्यांचे मी निश्चितपणे पालन करेन. त्यांच्या उत्तराने टाउन हॉलमधील जनता भारावून गेली. पण त्यांच्या या विधानामुळे रामास्वामी याची पुन्हा एकदा चर्चा भारतात होत आहे.

रामास्वामी कोण आहेत? असे सर्च केले जात आहेत. विवेक रामास्वामी हे भारतीय वंशाचे आहेत. ते रिपब्लिकन पक्षाचे अमेरिकन नेते आहेत. अमेरिकेच्या राष्ट्राध्यक्षपदाच्या निवडणुकीचे उमेदवार आहेत. रामास्वामी यांचे वय ३८ वर्ष आहे. रामास्वामी यांचा जन्म ओहिया येथे झालाय. रामास्वामी यांचे आई-वडील भारतातून स्थलांतरित झाले होते. त्यांनी हार्वर्ड विद्यापीठातून जीवशास्त्राची पदवी मिळवलीय. त्यानंतर येल लॉ स्कूलमध्ये त्यांनी पुढील शिक्षण पूर्ण केले आहे.

रामास्वामी हेज फंड गुंतवणूकदार म्हणून काम करत होते. येलमधून पदवी प्राप्त करण्यापूर्वी रामास्वामी यांनी भरपूर पैसा कमावलाय. रामास्वामी यांनी २०१४ मध्ये स्वतःची बायोटेक कंपनी, Roivant Sciences (ROIV.O) ची स्थापना केली. या कंपनीने पूर्णपणे विकसित न झालेल्या औषधांच्या मोठ्या कंपन्यांकडून पेटंट विकत घेतलंय. त्यांनी २०२१ मध्ये सीईओ पदाचा राजीनामा दिला. परंतु २०२३ पर्यंत ते अध्यक्ष राहिले. २०२२ मध्ये रामास्वामी यांनी स्ट्राइव्ह अॅसेट मॅनेजमेंटची सह-स्थापक होते. फेब्रुवारी २०२३ मध्ये रामास्वामी यांनी राष्ट्राध्यक्षाच्या निवडणुकीसाठी उमेदवारी अर्ज दाखल केलाय.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Nashik News: जिल्हाधिकाऱ्यांच्या दालनावर फेकले कांदे; नाशिकमध्ये शेतकऱ्यांचा संताप उसळला|VIDEO

CM Fadnavis: वाद निर्माण झाला तर विचार करावा लागेल; पोस्ट कॅबिनेटमध्ये मुख्यमंत्र्यांनी कोकाटेंसह मंत्र्यांना झापलं

Dengue In Monsoon: पावसाळ्यात डेंग्यूपासून कसा कराल बचाव? फॉलो करा 'या' टिप्स

Saam Impact : बिअरबारमध्ये सरकारी काम करणाऱ्या अधिकाऱ्याचे निलंबन! मुख्यमंत्र्यांचे आदेश; साम टीव्हीचा दणका

Maharashtra Live News Update: वाल्मीक कराडच्या १००० कोटीची प्रॉपर्टी जप्त करा; रोहित पवारांची मागणी

SCROLL FOR NEXT