डिसेंबर 2025 मध्ये Vivo, OnePlus, Redmi आणि Realme कंपन्यांकडून स्मार्टफोन लाँच होणार
Vivo X300 सिरीजमध्ये प्रीमियम कॅमेरा फीचर्स, Dimensity 9500 चिपसेट
Redmi 15C 5G हा बजेट सेगमेंटमधला दमदार स्मार्टफोन
OnePlus 15R मध्ये Snapdragon 8 Gen 5 आणि 16GB RAM
Upcoming Smartphones In December 2025 : वर्षाचा शेवटचा महिना म्हणजे डिसेंबर. या महिन्यात टेक जगतात फारशा मोठ्या घडामोडी घडत नाहीत. परंतु यंदाचं वर्ष अपवाद ठरलं आहे. यंदाचा डिसेंबर महिना स्मार्टफोन चाहत्यांसाठी खास ठरणार आहे.
डिसेंबर महिन्यात लाँच होणाऱ्या फोनमध्ये वनप्लस, व्हिवो, रियलमी, रेडमीच्या बजेट मोबाईलचा समावेश आहे. वनप्लस कंपनी 15R मोबाईल लाँच करण्याची शक्यता आहे. तर vivo त्यांचा X300 सीरीजच्या माध्यमातून धमाका करणार आहे. बजेट आणि मिड-रेंजमध्ये लाँच करणारी रेडमी आणि रियलमी कंपनी त्यांचे स्मार्टफोन लाँच करणार आहेत.
Vivo X300 आणि X300 Pro
महिन्याच्या सुरुवातीला व्हिवो धमाका करणार आहे. व्हिवो २ डिसेंबर रोजी Vivo X300 सीरीज लाँच करणार आहे. या दोन्ही फोनमध्ये MediaTek चे पावरफुल Dimensity 9500 चिपसेट असणार आहे.
X300 Pro : 50MP च्या LYT-828 मेन कॅमेरा आणि 200MP चा पेरिस्कोप लेन्स या फोनमध्ये असणार आहे. या फोनची झुम फोटोग्राफी हटके असणार आहे. तर फोनमध्ये 6,510mAh ची मोठी बॅटरी असणार आहे.
X300 : बेस मॉडेलमध्ये 200MP मेन कॅमेरा आणि 6,040mAh बॅटरी दिली जाणार आहे.
रेडमी ३ डिसेंबर रोजी 15C 5G मोबाईल बाजारात आणत आहे. यामध्ये MediaTek Dimensity 6300 प्रोसेसर, 6000mAh ची बॅटरी आणि 33W फास्ट चार्जिंग देण्यात आली आहे. Android 15 वर आधारित HyperOS 2 असणार आहे. तसेच हा फोन 15000 रुपयांमध्ये लाँच होण्याची शक्यता आहे.
रियलमी देखील ४ डिसेंबर रोजी P4x 5G स्मार्टफोन भारतात लाँच करणार आहे. या मोबाईलमध्ये MediaeTek Dimensity 7400 Ultra प्रोसेसर देण्यात येण्याची शक्यता आहे. या मोबाईलची किंमत 20,000 रुपयांच्या आसपास असण्याची शक्यता आहे.
वनप्लस 15R हा स्मार्टफोन भारतात १७ डिसेंबर रोजी लाँच होण्याची शक्यता आहे. यामध्ये Snapdragon 8 Gen 5 प्रोसेसर, 16 GB RAM आणि 6.83 इंचचा 165Hz डिस्प्ले देण्याची शक्यता आहे. तसेच या मोबाईलमध्ये 7800mAh असण्याची शक्यता आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.