सुप्रीम मस्कर, साम टिव्ही

तीन वर्षांपूर्वी सुरु झालेल्या रशिया-युक्रेन युद्धात रशियानं युक्रेनवर महाभंयकर असा हवाई हल्ला केलाय. युक्रेनच्या हवाई हद्दीवर रशियाचा हा आतापर्यंतचा सर्वात मोठा हवाई हल्ला मानला जातोय. रशियाने एकाच रात्रीत युक्रेनच्या पश्चिम, दक्षिण आणि मध्य भागांवर ड्रोन आणि क्षेपणास्त्रे डागली. या हल्ल्यात 477 ड्रोन आणि 60 क्षेपणास्त्रांचा समावेश होता. त्यामुळे रशियाचा युक्रेनवरील हा विध्वसंक हल्ला असल्याची माहिती खुद्द हवाई दल प्रमुखांनी दिलाय.

युद्ध सुरू झाल्यापासून रशियाचा हा सर्वात मोठा हवाई हल्ला होता. त्यावेळी युक्रेनियन पायलटच्या शौर्याला देशभरातून सलाम केला जातोय. त्यांनी शेवटच्या क्षणापर्यंत शत्रूचा हल्ला थांबवला आणि आपल्या जीवाची पर्वा न करता सामान्य लोकांची सुरक्षा केली.

युरी इहनाट, हवाई दल संपर्कप्रमुख, युक्रेन

युक्रेनने यावेळी रशियाचे 249 ड्रोन हल्ले परतवून लावले. तर 226 ड्रोन आकाशात उद्धवस्त करून टाकले. मात्र या ड्रोन हल्ल्यावेळी युक्रेनच्या पायाभूत सुविधांचे मोठे नुकसान झालयं. 7 जणांचा या हल्ल्यात मृत्यू झालाय. रशियानं युक्रेनचं F-16 लढाऊ विमान उद्धवस्त केलयं.

लढाऊ विमान उद्धवस्त

युक्रेनकडे मर्यादित F-16 लढाऊ विमानं

2024 मध्ये नेदरलँड्स आणि डेन्मार्ककडून F-16 विमानाची खरेदी

रशिया- युक्रेन युद्धात तिसऱ्यांदा F-16 विमान उद्धवस्त

रशियाच्या हल्ल्यामुळे युक्रेनमध्ये नव्याने अस्थैर्य पसरले आहे. या हल्ल्याच्या पार्श्वभूमिवर शेजारचे पोलंड आणि इतर मित्र देश सतर्क झाले आहेत. रशियाचे अध्यक्ष व्लादिमीर पुतिन यांनी इस्तंबूलमध्ये शांततेची तयारी दर्शवल्यानंतर हा हल्ला झाल्यानं अनेकांच्या भुवया उंचावल्यात. रशियाच्या या मोठ्या हल्ल्यानंतर शांततेची शक्यता आणखी धुसर झाली आहे. त्यामुळे चौथ्या वर्षात तरी युद्ध थांबणार की रशियाच्या या मोठ्या हल्ल्यानंतर आणखी भडकणार याकडे जगाचं लक्ष लागलयं.