West Bengal Train Accident: ओडिशातील बालासोर येथील रेल्वे अपघाताची घटना ताजी असतानाच आता आणखी एक भीषण रेल्वे अपघात झाला आहे. पश्चिम बंगालमधील बांकुरा येथे हा रेल्वे अपघात झाला आहे. रेल्वे रुळावर उभ्या असलेल्या एका मालगाडीला दुसऱ्या मालगाडीने जोरदार धडक दिली, त्यामुळे सुमारे 12 डबे रुळावरून घसरले. या अपघातात कोणतीही मोठी जीवितहानी झाली नाही. या घटनेत मालगाडीचा चालक जखमी झाला आहे. (Latest Marathi News)

मिळालेल्या माहितीनुसार, पश्चिम बंगालमधील (West Bengal) बांकुरा येथे आज पहाटे ४ वाजता ही घटना घडली. सूत्रांनी सांगितले की, एक मालगाडी ओंडा स्थानकावरून जात असताना मागून येणार दुसऱ्या मालगाडीने जबर धडक दिली. त्यामुळे सुमारे 12 डबे रुळावरून घसरले.

रेल्वे अधिकाऱ्यांनी दिलेल्या माहितीनुसार, दोन्ही मालगाड्या रिकाम्या होत्या. अपघाताचे नेमके कारण काय आणि दोन्ही गाड्यांची धडक कशी झाली, हे अद्याप स्पष्ट झालेले नाही. या अपघातामुळे आद्रा विभागात अनेक गाड्यांवर परिणाम झाला आहे. (Train Accident)

या रेल्वे अपघाताचा एक व्हिडीओ व्हायरल झाला आहे. यात ट्रेनचं इंजिन ट्रॅकच्या बाहेर गेल्याचं दिसत आहे.मालगाडीचा अपघात झाल्याची माहिती मिळताच रेल्वेच्या कर्मचाऱ्यांनी मदत कार्यास सुरुवात केली आहे. तसेच रेल्वे रुळावरून मालगाडीचे डब्बे हटवण्याचे काम युद्धपातळीवर सुरू करण्यात आलं आहे.