Train Accident Viral Video: वाहन चालवताना मोबाईलचा (Mobile) वापर करणं किती धोकादायक असतं याची सर्वांनाच कल्पना असते. वाहतूक पोलीस यासंबधी वारंवार आवाहन करत असतात. पण असं असतानाही अनेक लोक सर्रासपणे मोबाइलचा वापर करताना दिसतात. पण हाच नियम ट्रेनबद्दलही लागू होतो. कारण ट्रेन चालवतानाही मोबाईलचा वापर करने अपघाताला निमंत्रण देणारे ठरु शकते. सध्या सोशल मीडियावर असाच एक व्हिडिओ तुफान व्हायरल होत आहे. जो पाहून तुमच्याही अंगावर काटा येईल... (Latest Marathi News)

याबाबत अधिक माहिती अशी की, सोशल मीडियावर व्हायरल (Viral Video) होत असलेला व्हिडिओ रशियामधील असून ही दुर्घटना ऑक्टोबर 2019 मध्ये घडल्याचे समोर आले आहे. व्हिडीओत पाहू शकता सुरुवातीला एक भरधाव ट्रेन जाताना दिसते आहे. ज्या रूळांवरून ही ट्रेन जाते आहे, त्याच रूळांवर समोर दुसरी ट्रेन आहे. त्या ट्रेनला जाऊन ही ट्रेन धडकते. या अपघाताचे प्रमुख कारण म्हणजे महिला ड्रायव्हरचा निष्काळजीपणा. ही महिला ट्रेन चालवत असताना मोबाईलचा वापर करत असल्याचे व्हायरल व्हिडिओमध्ये पाहायला मिळत आहे.

ट्रेन चालवताना अगदी आरामात ती मोबाईलमध्ये बघते आहे. महिलेचं पुढे ट्रॅकवर अजिबात लक्ष नसतं. पण त्याचवेळी ट्रॅकवर एक ट्रेन उभी असते. महिलेचं लक्ष खाली फोनमध्ये असल्याने तिला याची कल्पना नसते. पण जेव्हा ती पाहते तेव्हा ट्रेन थांबवण्याचा प्रयत्न करते, पण तोपर्यंत उशीर झालेला असतो. ट्रेन दुसऱ्या ट्रेनवर जाऊन जोरात आदळते. पण सुदैवाने महिला चालकाल काही जखम होत नाही.

दरम्यान, हा व्हायरल व्हिडिओ ट्विटरला पोस्ट करण्यात आला असून याच्या माध्यमातून एक छोटासा हलगर्जीपणा किती महागात पडू शकतो हे दाखवण्यात आलं आहे. नेटकऱ्यांनी या व्हायरल व्हिडिओवर प्रतिक्रिया देताना चालकाच्या चुकीची शिक्षा नाहक प्रवाशांना भोगावी लागली, अशा संतप्त प्रतिक्रिया दिल्या आहेत..