नवी दिल्ली : अफगाणिस्तान आमि पाकिस्तानमध्ये युद्ध सुरु झालं आहे. तालिबान आर्मी आणि पाकिस्तान सैनिक सीमेवर आमनेसामने उभे ठाकले आहेत. तालिबानी आर्मीने केलेल्या एअरस्ट्राइक हल्ल्यात पाकिस्तानचे १९ सैनिक मारले गेले आहेत. तर ३ नागरिकांचाही मृत्यू झाला आहे. अफगाणिस्तानच्या माध्यमांनी ही माहिती दिली आहे. या हल्ल्यामुळे पाकिस्तानात एकच खळबळ उडाली आहे. 'आज तक'ने याबाबत वृत्त दिलं आहे.

अफगाणिस्तानच्या सुरक्षा दलाने खोस्त प्रातांत अली शिर जिल्ह्यातील पाकिस्तानी सैन्य दलाच्या अनेक चौकी पेटवून दिल्या. तसेच डंड-ए-पतन जिल्ह्यातील दोन पाकिस्तानी चौकींचा ताबा मिळवला. स्थानिक माध्यमांच्या सूत्रांच्या माहितीनुसार, पाकिस्तानी सैनिकांनी डंड-ए-पतन जिल्ह्यातील जिल्ह्यातील मोर्टार शेलमुळे तीन अफगाणिस्तानी नागरिकांचा मृत्यू झाला.

दरम्यान, पाकिस्तानच्या हल्ल्यानंतर मंगळवारी रात्री पक्तिका प्रांतात अफगाणिस्तानने हल्ला केला होता. या हल्ल्यात ५१ लोक मारले गेले होते. यामध्ये महिला आमि लहान मुलांचाही समावेश आहे. पाकिस्तानी सैन्याचं म्हणणं आहे की, 'अफगाणिस्तानच्या जमिनीतून पाकिस्तानवर दहशतवादी हल्ले केले जातात.

पाकिस्तानच्या आरोपानुसार, अफगाणिस्तानात तालिबानला सत्ता मिळाल्यानंतर दहशतवादी हल्ले वाढले आहेत. पाकिस्तानी सरकारचं म्हणणं आहे की, 'वाढत्या हल्ल्यामुळे टीटीपीला प्रोत्साहन मिळालं आहे. या संघटनेला पाकिस्तानात सत्ता मिळवायची आहे. ही बाब त्यांच्या इतर संघटनेने काबूलमध्ये केली आहे.

सेंटर फॉर रिसर्च एंड सिक्योरिटी स्टडीजनुसार, एका रिपोर्टनुसार, पाकिस्तानात २०२३ दहशतवादी हल्ल्यातील मृतांची संख्या २०२२ च्या तुलनेत ५६ टक्क्यांनी वाढली आहे. यात एकूण १५०० हून अधिक लोक मारले गेले आहेत. त्यात ५०० सुरक्षा दलाच्या कर्मचाऱ्यांचा समावेश आहे. इस्लामाबादने काबुलच्या शासनावर सीमापार दहशतवादाचा आरोप केला आहे. त्यानंतर अफगाणिस्तानातील तालिबान आणि पाकिस्तान सरकारमधील संबंध अधिकच तणावपूर्ण बनले आहेत.