घरी गेल्यावरही तुमचा बॉस तुम्हाला कामाला लावत असेल किंवा कामासाठी कॉल करत असेल तर ही बातमी तुमच्यासाठी....आता ऑफिसमधल्या कामाचं टेन्शन घेण्याची गरज संपणार आहे... कारण कामाच्या वेळेनंतर बॉसचा फोन किंवा ईमेल येण्याच्या ताण-तणावापासून कर्मचाऱ्यांना मुक्ती मिळावी,यासाठी नुकतचं लोकसभेत एक खाजगी विधेयक मांडण्यात आलयं...काय आहे हे विधेयक आणि कर्मचाऱ्यांना याचा कशा फायदा होणार आहे?

आजकालच्या डिजिटल युगात ऑफिस वेळेनंतर बॉसचा मेसेज, कॉल आला की कर्मचाऱ्यांमध्ये तणाव निर्माण होतो...मात्र या विधेयकामुळे ऑफिसच्या वेळेनंतर कामाशी संबंधित कॉल, ईमेल किंवा मेसेजला प्रतिसाद देणं बंधनकारक नसेल...यामुळे काम-व्यवसाय आणि वैयक्तिक जीवन यांच्यातील संतुलन राखणे सोपे होणार आहे.. तरी खासदार सुप्रिया सुळेंनी 'राइट टू डिस्कनेक्ट बिल 2025' हे लोकसभेत मांडले आहे...

दरम्यान हे विधेयक मंजूर झाल्यास भारतातील खासगी क्षेत्रातील करोडो कर्मचाऱ्यांना याचा फायदा होणार आहे...विशेषत: आयटी, बँकिंग आणि कॉर्पोरेट क्षेत्रात जिथे रात्री उशीरापर्यंत कर्मचाऱ्यांना ईमेलद्वारे कामात व्यस्त ठेवलं जात... त्यांना याचा फायदा होईल... त्यामुळे या विधेयकाला मंजुरी मिळाल्यास कर्मचाऱ्यांचा तणाव कमी होईल आणि त्यांचं कौटुंबिक जीवन आनंदी होण्यास मदत होईल, एव्हढं मात्र नक्की....