जगात निसर्ग आपले भयंकर रूप दाखवत आहे. एकीकडे अफगाणिस्तानला भूकंपाचा तडाखा बसला आहे. तर, दुसरीकडे आफ्रिकन देशातील सुदानमधील परिस्थिती भयानक झाली आहे. सुदानमध्ये भूस्खलन झाले. यामुळे मोठ्या प्रमाणात जनजीवन विस्कळीत झाले आहे. मिळालेल्या माहितीनुसार,भूस्खलनामुळे किमान १००० लोकांचा मृत्यू झाला आहे.

सुदानमधील परिस्थिती खूपच भयानक झाली आहे. मुसळधार पावसामुळे भूस्खलन झाले. ३१ ऑगस्ट रोजी मुसळधार पाऊस पडला होता. संततधारेमुळे भूस्खलन झाले. यामुळे एक गाव पूर्णपणे उद्ध्वस्त झाले आहे. संसार उघड्यावर पडलाय. तसेच अनेक लोक चिखलाखाली दबले गेले आहेत. दारफुर प्रदेशावर या गटाचे नियंत्रण आहे. या गटाने संयुक्त राष्ट्र आणि आतंरराष्ट्रीय मदत संस्थांकडून मदत मागितली आहे.

या भूस्खलनात हजारो लोकांचा मृत्यू झाला. ज्यात पुरूष, महिला आणि मुले यांचा समावेश आहे. मृतदेह काढण्यासाठी संयुक्त राष्ट्र आणि आंतरराष्ट्रीय सहाय्यता एजेंसीला मदतीसाठी आवाहन केले आहे. सुदानमध्ये आधीच युद्ध सुरू आहे. तेथील लोक युद्धामुळे उद्भवलेल्या परिस्थितीशी झुंजत आहे. लोकांवर उपासमारीची वेळ आली आहे.

सुदान आर्मी आणि रॅपिड सपोर्ट फोर्समध्ये युद्ध सुरू आहे. या युद्धामुळे दारफूर प्रदेश आधीच प्रभावित झाला आहेत. गेल्या २ वर्षांपासून युद्ध सुरू आहे. या युद्धापासून नुकसान टाळण्यासाठी लोकांनी मारा पर्वतीय भागात आश्रय घेतला आहे.