स्पेनमधील टोलेडो प्रांताजवळ दोन हाय-स्पीड रेल्वे गाड्या एकमेकांना धडकल्या आहेत. आज सकाळी मध्य स्पेनमध्ये झालेल्या भीषण रेल्वे अपघतात आतापर्यंत ४६ जणांचा मृत्यू झालाय. तर अनेकजण जखमी झालेत. या अपघाताबाबत स्पॅनिश प्रशासनाने या घटनेला दुजोरा दिलाय. स्पेनचे रेल्वे जाळे व्यवस्थापित करणाऱ्या 'एडीआयएफ' (ADIF) या कंपनीने या अपघाताची माहिती देताना सांगितले की, बुधवारी सकाळी टोलेडो प्रांतात ही दुर्घटना घटना घडली.

अपघातानंतर लगेचच माद्रिद, स्युदाद रियाल आणि आंदालुसिया दरम्यानची रेल्वे सेवा पूर्णपणे स्थगित करण्यात आलीय. जोपर्यंत तपास पूर्ण होत नाही आणि रेल्वे मार्ग सुरक्षित असल्याची खात्री पटत नाही, तोपर्यंत या मार्गांवर कोणतीही रेल्वे धावणार नसल्याची माहिती अधिकाऱ्यांनी दिलीय.

सरकारी वृत्तवाहिनी संस्था 'टीव्हीई' च्या वृत्तानुसार, दोन्ही रेल्वे गाड्या एकाच दिशेने जात होत्या. एका गाडी पुढे जाणाऱ्या दुसऱ्या रेल्वेच्या मागील भागावर आदळली. ही धडक इतकी जोरदार होती की, एका रेल्वे गाडीचे दोन डबे रुळावरून घसरले. बचाव पथके त्वरित घटनास्थळी पोहोचली आणि त्यांनी जखमींना बाहेर काढण्याचे काम सुरू करण्यात आलेत.

उर्डाचे महापौर मॅन्युएल गालन यांनी टीव्हीईला सांगितले की, या अपघातात अनेक प्रवासी जखमी झालेत. 'सिव्हिल प्रोटेक्शन'च्या अधिकाऱ्यांनी नगर प्रशासनाशी संपर्क साधून प्रवाशांच्या देखभालीसाठी एक क्रीडा संकुल (स्पोर्ट्स पॅव्हेलियन) तयार ठेवण्याची विनंती केलीय. स्थानिक प्रशासन सध्या जखमींना प्रथमोपचार देण्याची आणि गरज पडल्यास त्यांना रुग्णालयात हलवण्याची व्यवस्था करत आहे. दरम्यान, जवळच असलेल्या 'लॉस येबेनेस' गावाचे महापौर जेसुस पेरेझ यांनीही टीव्हीईशी बोलताना या अपघाताला अत्यंत गंभीर असल्याचे म्हटलंय.