सोनम वांगचुक अखेर यांनी अखेर उपोषण सोडण्याची तयारी दर्शवली आहे. याबाबत त्यांनी सोशल मीडियावर पोस्ट केली आहे. नीट पेपरफुटीवरून गेल्या अनेक दिवसांपासून त्यांचे उपोषण सुरू आहे. अलीकडेच त्यांना पोलिसांनी जंतर मंतरवरून जबरदस्तीने उचलून नेत रुग्णालयात दाखल केले होते. मात्र त्यांनी ठिकाणी देखील उपोषण सुरू ठेवले होते. यानंतर केंद्रीय आरोग्य मंत्री जे.पी नड्डा यांनी त्यांची रुग्णालयात जाऊन भेट घेतली. उपोषण मागे घ्यावे, अशी विनंती त्यांनी वांगचुक यांना केली आहे.

कोणत्या मागण्यांवर ठोस आश्वासन द्यावं?

नीट परीक्षेचा पेपर फुटल्यानंतर आत्महत्या केलेल्या विद्यार्थ्यांच्या कुटुंबीयांना योग्य भरपाई दिली जावी.

शिक्षण मंत्र्यांच्या राजीनाम्यासह जबाबदारी निश्चित करण्यासंदर्भात संसदेत अर्थपूर्ण चर्चा व्हावी.

वांगचुक यांनी पत्रात म्हटलं की, विविध राजकीय पक्षाच्या जवळपास ६५ खासदारांनी त्यांना पत्र लिहिलं आहे. त्यातील काही जणांनी भेट घेतली आहे. तर काही जण संध्याकाळपर्यंत भेट घेणार आहेत. सर्वांनी उपोषण सोडण्याची आग्रहाची विनंती केली आहे. देशाच्या सेवेसाठी अजून खूप काम करायचं आहे, असे त्यांचे म्हणणे आहे. त्यांच्या मताशी मी सहमत आहे. मला अजून जगायचं आहे. माझ्या आयुष्याला दिशा देणारे शिक्षण आणि त्या क्षेत्रात मला परतायचं आहे. पण ज्यांच्यासाठी हे आंदोलन सुरू झालं आहे, त्या युवकांची किंमत मोजून मी हे करू शकत नाही.

या आंदोलनात सहभागी होणाऱ्या कोणत्याही आंदोलकाविरोधात दंडात्मक किंवा कायदेशीर कारवाई करू नये असे सरकारने स्पष्ट आश्वासन द्यावे, असे आवाहन मी करत आहे. निष्पक्ष आणि जबाबदारी निश्चित करणाऱ्या शिक्षण व्यवस्थेसाठी आवाज उठवणे हाच त्याचा एकमेव गुन्हा आहे, असेही वांगचुक यांनी पत्रात म्हटलं आहे.

वांगचुक म्हणाले की, जर असं आश्वासन मिळालं नाही तर मला उपोषण बेमुदत सुरू ठेवावं लागेल. आंदोलन दडपून टाकण्यासाठी पोलिसांकडून अधिक बळाचा वापर पुन्हा होणार नाही अशी अपेक्षा आहे.