Parle-G Biscuit Price In World : भारतातील प्रत्येक घरात पार्ले-जीची चव प्रत्येकांने चाखली असेलच. कधी चहा-दुधात बडवून तर कधी पाण्यात भिजवून. देशाच्या कानाकोपऱ्यात पार्ले जी बिस्किट पोहोचले आहे. या बिस्किटाची चव गरीब व श्रीमंत प्रत्येकांने चवीने चाखली असणार.

आजही अनेकांची सकाळही पार्ले-जीच्या बिस्किटाशिवाय अपूर्ण आहे. भारतात (India) २ रुपयांना मिळणारे पार्ले-जी कालातंराने ५ रुपयांवर आले. पण त्याची चव व त्याची क्रेझही आजही अनेकांच्या मनात स्वत:च स्थान टिकवून आहे. परंतु हेच पार्ले-जी बिस्किट परदेशातही अंत्यत लोकप्रिय आहे.

1. पार्ले-जी ची सुरुवात कुठून झाली ?

पार्ले-जी सुरुवात मुंबईतील (Mumbai) विलेपार्ले या भागातून झाली. बंद पडलेल्या फॅक्टरीला जणू सोन्याचे दिवसचं आले व हा लोकप्रिय बँड झाला. व्यापारी मोहनलाल दयाल यांना ही बंद पडलेल्या फॅक्टरी १९२९ मध्ये खरेदी (Shop) केले. त्यानंतर पार्ले नावाने ब्रँडची सुरुवात झाली. १९३८ मध्ये पार्ले-ग्‍लूको (Parle-Gloco) नावाने बिस्किटाचे उत्पादन सुरु करण्यात आले.

2. अचानक पार्ले-जी बिस्किट का बंद झाले ?

स्वातंत्र्यानंतर या बिस्किटाचे उत्पादन बंद झाले. बिस्किट तयार करण्यासाठी गव्हाचा वापर होत होता. गव्हाचे उत्पादनच कमी झाल्याने आणि इतर देशातून गव्हाचा पुरवठा न झाल्याने या बिस्किटाचे उत्पादन थांबविण्यात आले.

3. Gloco ला Parle-G नाव कसे मिळाले ?

पुन्हा एकदा कंपनीने उत्पादन सुरु केले तेव्हा बाजारात अनेक कंपन्यांनी तीव्र स्पर्धा केली. त्यावेळी ब्रिटानिया कंपनीच्या ग्लूकोज-डी बिस्किटाने मार्केटमध्ये आपले नाव कमावले होते. त्यामुळे पार्ले कंपनीने ग्लूको बिस्किटाचे नाव बदलून Parle-G असे बिस्किट पुन्हा नव्याने बाजारात आणले. १९८० नंतर पार्ले ग्लूको बिस्किटाचा आकार अधिक लहान करण्यात आला. सन २००० मध्ये कंपनीने G अर्थ Genius या टॅगलाईनचा वापर करत बिस्किटाला बाजारात रिलॉन्च केले.

4. अमेरिका व पाकिस्तानात किती आहे किंमत ?

भारतात मिळणाऱ्या पार्लेजीच्या 5 रुपयांच्या पॅकेटचे वजन 65g आहे. तर रिपोर्टनुसार, अमेरिकेतील 1 डॉलरच्या पार्ले जीचे 56.5g चे 8 पॅक येतात. याचा हिशोब केल्यास हा पुडा 10 रुपयांच्या जवळपास मिळतो. याशिवाय बकाल, पाकिस्तानाचा विचार केल्यास सध्या आर्थिक संकटांना सामोरे जाण्यासाठी तिथे पार्ले-जीची किंमत 50 रुपये आहे. Grocer App नुसार, पार्लेजीच्या 79g पॅकची किंमत 20 रुपये आहे.