आतापर्यंत घर, गाडी आणि दुकान भाड्याने दिलेलं आपण ऐकलं असेल, पण कधी झोपण्यासाठी अर्धा बेड भाड्याने दिल्याचं कुणी ऐकलं आहे का? एका महिलेनं अतिरिक्त उत्पन्नाबद्दल माहिती देताना, अनोळखी व्यक्तींना अर्धा बेड देत असल्याची माहिती दिली. लॉकडाऊनमध्ये पैशांची तीव्र टंचाई जाणवत होती. यादरम्यान, पैसे कमवण्याचा मार्ग शोधला आणि तिने अर्धा बेड भाड्याने देण्याचे ठरवले. तिने अर्धा बेड झोपण्यासाठी देऊन चांगलेच पैसे कमावले आहेत.

मोनिक जेरेमियाने असं ३७ वर्षीय महिलेचं नाव आहे. ही महिला कॅनडामधील रहिवासी आहे. लॉकडाऊनमध्ये तिला पैशांची तीव्र टंचाई भासत होती. यादरम्यान, तिचा ब्रेकअपही झाला होता. अशा परिस्थितीत तिने पैसे कमवण्याचा नवीन मार्ग शोधला. तिने अर्धा बेड भाड्याने देण्याचे ठरवले. कोरोना काळात काहींकडे खाण्यासाठी पैसे नव्हते, तर काहींकडे राहण्यासाठी डोक्यावर छप्पर नव्हतं. यावेळी महिलेनं अर्धा बेड भाड्याने देण्याचं ठरवलं.

यासाठी महिलेने एक ऑनलाइन पोस्ट केली. या पोस्टवर अनेकांनी सकारात्मक प्रतिसाद दिला. पोस्ट पाहून अनेकांनी तिच्याशी संपर्क साधला. या महिलेनं अर्धा बेडचा भाग देऊन चांगलेच पैसे कमावले आहेत.

मोनिक या महिलेनं सांगितलं की, 'लॉकडाऊन दरम्यान उत्पन्नाचे सगळे स्त्रोत अचानक बंद झाले. कॅनडामध्ये राहणं परवडत नव्हतं. याकाळात ब्रेकअपही झालं होतं. पण मग युक्ती सुचली. कोरोना काळात अनेक जण बेघरही झाले होते. मग झोपण्यासाठी अर्धा बेडचा भाग भाड्याने देण्याचे ठरवले. यासंदर्भात पोस्ट केली, आणि पोस्टला विशेष प्रतिसादही मिळत गेला. महिन्याला पन्नास हजार रूपये अतिरिक्त कमाई करण्यास सुरूवात झाली. याला हॉट बेडिंग असंही म्हटलं जातं', असं महिलेनं सांगितलं.