Summary -

• भोपाळमध्ये दसऱ्याच्या दिवशी सकाळीच रावणाचे दहन झाले.

• नशेत असलेल्या तरुण-तरुणींनी हे कृत्य केले.

• मंत्री महोदय कार्यक्रमाला यायच्या आधीच पुतळा पेटवला गेला.

• घटनेचा व्हिडीओ व्हायरल झाला आहे.

मध्यप्रदेशची राजधानी भोपाळमध्ये दसऱ्याच्या दिवशी म्हणजे आज सकाळी चकीत करणारी घटना घडली. भोपाळमध्ये सकाळीच रावणाचे दहन करण्यात आले. सगळीकडे संध्याकाळी रावणाचे दहन होते. पण सकाळी रावणाचे दहन झाल्यामुळे सर्वजण चकीत झाले. रावणाच्या दहन कार्यक्रमासाठी मंत्री महोदय उपस्थित राहणार होते. पण त्याचपूर्वी नशेमध्ये असणाऱ्या तरुण-तरुणींनी आज सकाळीच ६ वाजताच रावणाचा पुतळा पेटवून दिला.

ही धक्कादायक घटना बाग मुगालिया ग्राऊंडमध्ये घडली. या ठिकाणी दसरा उत्सवासाठी भल्यामोठा रावणाचा पुतळा तयार करण्यात आला होता. दहनाच्या नियोजित वेळेनुसार काही तरुण आणि तरुणींनी दारूच्या नशेत रावणाचा पुतळा पेटवून दिला. त्यानंतर लाल रंगाच्या कारमधून त्यांनी पळ काढला. रावण पेटवून दिल्यानंतर फटाक्यांचे आवाज ऐकून सर्वांनी घटनास्थळी धाव घेतली. तोपर्यंत संपूर्ण पुतळा जळून खाक झाला होता.

प्रत्यक्षदर्शीने सांगितले की, लाल रंगाच्या कारमधून काही तरुण-तरुणी आले होते. ते दारूच्या नशेत होते. त्यांनी जाणूनबुजून हे कृत्य केले. याचा व्हिडीओ समोर आला असून तो व्हायरल होत आहे. या घटनेमुळे दसऱ्याचे पारंपारिक आणि धार्मिक महत्व देखील प्रभावित झाले. या घटनेचा व्हिडीओ व्हायरल झाल्यानंतर नेटकऱ्यांनी देखील संताप व्यक्त केला आहे. या प्रकरणाचा सध्या तपास केला जात आहे.