नवी दिल्ली: राज्यसभेचे १० खासदार लोकसभा निवडणुकीत निवडून आलेत. त्यामुळे आता राज्यसभेच्या १० जागा रिक्त झाल्यात. लवकरच राज्यसभेच्या या १० रिक्त जागांसाठी निवडणूक होणार आहे. महाराष्ट्रातून उदयनराजे भोसले आणि पियूष गोयल हे राज्यसभेवर होते. मात्र आता दोघेही लोकसभेवर निवडून आलेत. दरम्यान लोकसभेत पराभूत झालेल्या उमेदवारांकडून राज्यसभा जागेसाठी जोरदार लॉबिंग सुरू असल्याची सूत्रांची माहिती आहे.

राज्यसभेत असलेल्या पण आता लोकसभेला निवडून आलेल्या १० खासदारांनी लोकसभेत राहण्याचा निर्णय कळवलाय. यामुळे राज्यसभेत १० रिक्त झाल्यात. यासंदर्भात राज्यसभा सचिवालयाने माहिती जारी केलीय. दरम्यान या १० जागांमध्ये महाराष्ट्रातून उदयनराजे भोसले आणि पियूष गोयल यांचा समावेश आहे. राज्यसभेची जागा रिक्त झाल्याने त्यासाठी लवकरच निवडणूक घेतली जाणार आहे. त्यामुळे उमेदवारांकडून राज्यसभेसाठी लॉबिंग केली जातेय.