राजस्थानच्या उदयपूरमध्ये एका आयटी कंपनीच्या महिला मॅनेजरमध्ये धावत्या कारमध्ये सामूहिक बलात्कार झाल्याची घटना घडली आहे. मॅनेजरवर झालेल्या अत्याचाराच्या घटनेने खळबळ उडाली आहे. या प्रकरणी पीडित मॅनेजरने कंपनीचा सीईओ, महिला एक्झिक्युटिव्ह हेड आणि तिच्या पतीवर गंभीर आरोप केले आहेत. या प्रकरणी पोलिसांनी उशिरा रात्री तिघांना अटक केली.

पोलिसांनी दिलेल्या माहितीनुसार, राजस्थानच्या सुखेर भागात २० डिसेंबर रोजीच्या रात्री ही गंभीर घटना घडली. मॅनेजर रात्री उशिरा कंपनीचा सीईओ वाढदिवस आणि नववर्षाच्या पार्टीत सामील झाली होती. मॅनेजर तरुणीने या पार्टीत दारुचे अति सेवन केलं होतं. त्यानंतर मॅनेजर ही महिला एक्झिक्युटिव्ह हेडच्या कारने घरी निघाली. या कारमध्ये एक्झिक्युटिव्ह हेडसहित तिचा नवरा आणि कंपनीचा सीईओ देखील होता.

मॅनेजरला रस्त्यात देखील दारु पाजली. त्यामुळे मॅनेजर तरुणी बेशुद्ध झाली. त्यानंतर कारमधील आरोपींनी तिच्यावर सामूहिक अत्याचार केला. त्यानंतर आरोपींनी तिला पहाटे ५ वाजता घरी सोडलं.

घरी आल्यानंतर काही तासांनी तिच्या प्रायव्हेट पार्टवर जखमा झाल्याचे तिला आढळून आले. तिच्या काही वस्तू तिच्याजवळ नव्हत्या. तरुणीने कारच्या डॅशकॅमचा ऑडिओ-व्हिडिओ तपासले. त्यावेळी सीईओ, महिला एग्झिक्युटिव्ह हेड आणि तिच्या पतीचे कृत्य कॅमेरात रेकॉर्ड झालं होतं. त्यानंतर पीडित मॅनेजरने २३ डिसेंबर रोजी पोलिसांत तक्रार नोंदवली. पोलिसांनी आरोपींच्या विरोधात कारवाई सुरू केली आहे. या प्रकरणात पोलिसांनी गांभीर्याने तपास सुरू केला आहे.

मध्य प्रदेशमध्ये तरुणीवर सामूहिक अत्याचार

तत्पूर्वी, मध्य प्रदेशच्या सीमेजवळ सामसूम ठिकाणी आठ जणांवर एका महिलेवर सामूहिक अत्याचार केल्याची घटना घडली. आरोपी आणि तिच्या दाजीसोबत सामाजिक कार्यक्रमासोबत जात होती. आरोपींनी पीडितेच्या दाजीला पळवून लावलं. त्यानंतर आठ जणांनी पीडित तरुणीवर सामूहिक अत्याचार केला.