Rahul Gandh Saam Tv
देश विदेश

Rahul Gandhi: मोठी बातमी! भाजपचे मंत्री आमच्या संपर्कात, राहुल गांधींच्या दाव्याने राजकारणात खळबळ

Political News: राहुल गांधी यांनी भाजपबाबत मोठा दावा केला. भाजपचे मंत्री आमच्या संपर्कात असल्याचे त्यांनी सांगितले. त्यांच्या या विधानाने राजकारणात खळबळ उडाली.

Priya More

Rahul Gandhi: भाजपचे मंत्री आमच्या संपर्कात असल्याचा दावा काँग्रेसचे नेते राहुल गांधी यांनी केला. त्यांच्या दाव्यामुळे राजकारणात खळबळ उडाली. राहुल गांधी हे अमेरिकेच्या दौऱ्यावर आहेत. या दौऱ्यादरम्यान त्यांनी शिकागो विद्यापीठात एक मुलाखत दिली. या मुलाखतीमध्ये त्यांनी मोदी सरकारमधील नेते आमच्या संपर्कात असल्याचा दावा केला. पुढच्या ८ महिन्यात याचे परिणाम दिसून येतील, असं त्यांनी सांगितले. राहुल गांधी यांच्या या विधानानंतर राजकीय वर्तुळात चर्चांना उधाण आले.

अमेरिकेतील शिकागो विद्यापीठात राहुल गांधी यांनी विद्यार्थ्यांसमोर राजकीय भूमिका मांडली. यावेळी त्यांनी भाजपची अंतर्गत संघटनात्मक रचना कोलमडल्याचा दावा केला. त्याचसोबत मोदी सरकारमधील काही मंत्री विरोधकांच्या संपर्कात असल्याचे देखील त्यांनी सांगितले. त्याचोसबत, हे सर्व मंत्री विरोधकांना सरकारमधील घडामोडींची माहिती देत आहेत. आता पुढच्या ८ महिन्यात याचा राजकीय परिस्थितीवर परिणाम होईल, असा खळबळजनक दावा देखील राहुल गांधींनी केला. राहुल गांधी यांच्या या दाव्यानंतर भाजपचे हे मंत्री कोण आहेत? यावर चर्चा होऊ लागली आहे.

अमेरिका दौऱ्यादरम्यान राहुल गांधी भारताच्या निवडणूक प्रक्रियेवर आणि निवडणूक आयोगावर सातत्याने निशाणा साधत आहेत. राहुल गांधींनी सांगितले की, निवडणूक आयोगातील वरिष्ठ अधिकारीच आता दबावाला कंटाळले असून ते विरोधी पक्षांना आतली माहिती देत ​​आहेत. शिकागो विद्यापीठातील राज्यशास्त्राचे प्राध्यापक रॉबर्ट पेप यांच्याशी झालेल्या संभाषणात राहुल गांधींनी हे विधान केले. त्यांनी स्पष्टपणे सांगितले की, सर्व अनियमितता आणि नुकसान होऊनही विरोधी पक्ष निवडणुकांवर बहिष्कार टाकणार नाही कारण असे केल्याने लोकशाही रचना पूर्णपणे नष्ट होईल.

राहुल गांधी पुढे म्हणाले की, त्यांना निवडणूक आयोगाच्या आतूनच माहिती मिळत आहे. आयोगाचे वरिष्ठ अधिकारी आत म्हणत आहेत की, ते यापुढे असे चालू ठेवू शकत नाहीत आणि ही संपूर्ण व्यवस्था कोसळणे ही केवळ काळाची बाब आहे. १०० टक्के पुराव्याशिवाय ते लोकशाहीवर प्रश्नचिन्ह उपस्थित करत नाहीत. निवडणुकीतील अनियमितता जनतेच्या निदर्शनास आणून देणे आणि जोपर्यंत नागरिकांना स्वतःला संपूर्ण व्यवस्था उद्ध्वस्त झाल्याची जाणीव होत नाही तोपर्यंत सतत चर्चा सुरू ठेवणे, ही विरोधी पक्षांची रणनीती आहे.'

Henry Nicholls: हेन्री निकोल्सचा ऐतिहासिक विक्रम! भारताविरुद्ध 175 रन्सची नाबाद खेळी करत मोडला 36 वर्षांचा रेकॉर्ड

Maharashtra News Live Update: उद्धव ठाकरे ६ डिसेंबरला दिल्लीला जाणार

Marriage Age Gap : सुखी संसारासाठी नवरा - बायकोचं वय किती असावं?

वजन कमी करण्यासाठी व्यायाम कधी करावा? सकाळ की संध्याकाळ, योग्य वेळ जाणून घ्या

Gold Rate Today : आनंदाची बातमी! सोन्याच्या दरात पुन्हा मोठी घसरण, १ तोळा ५१२० रुपयांनी स्वस्त; वाचा १८-२२ आणि २४ कॅरेटचे दर

SCROLL FOR NEXT